星島日報

【獨家】《口罩小姐》保錡全程有份 ERROR爆決賽為影帝改期讓路

2021-03-18 20:01
ERROR爆《口罩小姐》保錡會全程有份演出外,但決賽要為影帝改期讓路。
ERROR爆《口罩小姐》保錡會全程有份演出外,但決賽要為影帝改期讓路。

ERROR孭飛選美真人騷《最後一屆口罩小姐選舉》下周推出,有指TVB為此變陣,令節目更令人期待。節目由ERROR四子負責做導師,各自帶領5個女仔接受挑戰,其實節目已完成拍攝,只餘下決賽直播,而早前因負面新聞多多宣佈自罰暫時離隊思過的保錡,隊友透露到時決賽照樣會出席,肥仔更踢爆決賽直播日期更因阿Dee要跟兩大影帝合作而被迫改期。撰文:杜淑霞 攝影:譚壹致 服裝:MisterGentleman

ERROR爆《口罩小姐》保錡會全程有份演出外,但決賽要為影帝改期讓路。
ERROR爆《口罩小姐》保錡會全程有份演出外,但決賽要為影帝改期讓路。
訪問當日只有肥仔、193同阿Dee現身宣傳節目《口罩小姐》。
訪問當日只有肥仔、193同阿Dee現身宣傳節目《口罩小姐》。


今次節目破天荒戴住口罩來選美,肥仔、193同阿Dee話初選㨂人時已有難度,肥仔說:「件事其實好公平,我哋猛問監製你有邊個鍾意,打粒星嚟,佢就話你哋自己揀啦,後尾我哋foul咗佢鍾意嗰啲,佢好鬼嬲,哈哈!」三子謂,到之後每round要foul人,絕對是人生交叉點,肥仔更爆193勁誇,竟搞到流下男兒淚,193:「真係好難做選擇,我唔知點樣形容,真係建立咗感情,唔忍心!大家好珍惜個機會,但係你令佢冇咗個機會,可能佢好需要嗰個機會。」




節目決賽因阿Dee改期,肥仔和193狂寸他,搞到他勁尷尬。
節目決賽因阿Dee改期,肥仔和193狂寸他,搞到他勁尷尬。
整個節目保錡都有份拍攝,連下月舉行的決賽亦會照樣現身。
整個節目保錡都有份拍攝,連下月舉行的決賽亦會照樣現身。

三子透露節目由1月開始拍,已由20位參賽者,選出8個進入最後決賽。至於早前因「偷食沙律」張沛樂兼不忿被嘲「少年八両金」狂爆粗鬧網民,令形象受損怕連累組合名聲,決定認衰宣告暫別的保錡,全程有份拍外,在4月11日直播決賽當晚亦會參與演出。193解釋:「唔可以咁冇合約精神,同埋好多節目預咗佢改動唔到。」阿Dee補充,「仲有個《ERROR自肥企劃》拍緊,應該4月中播。」



對於這個節目,原來保錡影響未算太大,肥仔爆因為阿Dee決賽更大鑊,「為阿Dee改咗日期囉!」193寸爆補充,「爆真嘢呀!(Dee低頭勁尷尬)阿Dee係將我哋電視台嘅schedule直情變咗,佢係一哥當之無愧,本來定咗一日,但係因為佢要拍嘢要轉過一日做Live show。」阿Dee解釋:「我要拍電影《金手指》,我係兩難個位,一係叫嗰啲影帝改期就我,一係叫電視台改期就我。」193再窒他:「畀我直情唔使諗,電視台咁為我喎!培養我出嚟,我一定係就電視台先。」肥仔補多句,「啱呀!我撐你!(邊同193握手)Dee哥你知唔知最擔心咩呢?你改完期之後,全套戲只係出現3分鐘。」193更直指《口罩小姐》將會是阿Dee在ViuTV遺作。

節目會考驗參賽者日常生活智慧,其中一個場景會去露營。
節目會考驗參賽者日常生活智慧,其中一個場景會去露營。
阿Dee出席電影《金手指》記者會,他開心戲中有機會跟梁朝偉同場。
阿Dee出席電影《金手指》記者會,他開心戲中有機會跟梁朝偉同場。
肥仔跟193最近有份拍攝《是滴是友》,跟林曉峰和廖碧兒合作。
肥仔跟193最近有份拍攝《是滴是友》,跟林曉峰和廖碧兒合作。

最新回應

關鍵字

相關新聞

熱門文章