【Sweet爆】同「前世情人」父女裝跑步張兆輝冧完愛妻再湊女

2021-03-15 18:15

張兆輝係「愛妻號」，日前喺他在社交網上載一條多張跟太太多郭碧妍（GiGi）多年來的甜蜜合照片段，及幾張由他揸機拍下張太年輕時的索爆照，慶祝結婚24周年，更冧爆情深留言：「有一種人可以百看不厭，有一種感覺永如初見，我不知道假如不曾與你相遇，我會不會相信緣份，感恩有你陪我老去，是我這輩子最大的幸運。謝謝你給我丈夫的身份，24周年快樂，我的張太太。」被疼錫嘅女人真幸福。

唔單止係咁，呢位「暖男爸爸」仲好愛錫子女，最近因為疫情，張卓姿（Twiggy）返英國求學行程受阻，每當輝哥唔使開工，就同埋老婆、囡囡結伴做運動，今日喺社交網上載咗同「前世情人」齊齊換上父女運動裝跑山，真係Sweet爆。雖然輝哥忙同任達華拍新片《被消失的凶案》，但仍不忘送花、兼且公開發表愛的宣言嚟冧妻及陪伴家人做運動，係圈中係極級好男人。輝哥更留言鼓勵大家多做運動：「喜歡跑步的人很多、能夠堅持的人很小，人生就像馬拉松，關鍵不在於瞬間的爆發，而是在於途中的堅持。縦有千百個理由放棄，也給自己找一個堅持的理由。早上好#張兆輝#跑步」