【獨家】讚Kimman Judas係樂壇新希望伍仲衡開騷設致敬環節送Gary

2021-03-15 00:01

伍仲衡兩場《搞乜花臣》實體音樂會，邀得黃劍文、羅凱鈴演出，他有意設環節音樂人好友Gary致敬。

音樂人伍仲衡（Harry）喺疫境下轉危為機，抗疫8個月開咗60幾場live show，請嚟80年代至新生代歌手一齊唱歌，其中以參加過《全民造星III》嘅黃劍文(Kimman)及羅凱鈴（Judas）資歷最淺。不過，Harry大讚兩人唱得又作得係樂壇新希望。採訪：方騫平攝影：張詠森化妝：Kylah Chan( Judas) 服裝：@midwestvintage 美華氏( Judas) 、Rule_crossing.man(Kimman) 髮型：Nichol Yip@ Hair (Kimman) 形象：Ian Mak (Kimman)

伍仲衡由網上直播音樂會衍生咗兩場《搞乜花臣》實體音樂會，邀得黃劍文、羅凱鈴、黎瑞恩、羅敏莊、彭家麗、布志綸、湯寶如、王馨平、黃翊、何嘉莉、何婉盈等演出，屆時仲會網上全球直播。

伍仲衡與剛離世的太極樂隊成員唐奕聰（Gary）相熟，尤其鍾意Gary嘅《怪你過份美麗》，他打算喺音樂會中加入向好友致敬環節。

參加完《造星III》收入冇增長
伍仲衡承認新一代歌手質素參差，不過黃劍文、羅凱鈴冇令他嘔血：「我哋互相學習，一齊Jam歌。」經常Busking嘅Judas稱自己冇乜信心，見到Harry有啲緊張；黃劍文覺得Harry好嚴厲，最記得11年前首次入錄音室試音，Harry提點他唔好扭音，當時真係緊張到爆炸，但喺對方身上學到嘢。提到參加完《造星III》後，兩人坦言收入冇乜增長，只係多咗人認識，Judas仲要同人夾份開車仔麵店謀生。黃劍文說：「不過，最近我有機會拍吓電影，教友周慧敏教我，喺屋企錄低排練過程，睇返對白、演出等會有助改進。」至於Judas參賽後，喺創作、唱功、外形都多咗想法：「我想沉澱一吓，做啲有深度嘅嘢，尤其唱歌會更加注重情感方面。」另外，伍仲衡與剛離世的太極樂隊成員唐奕聰（Gary）相熟，尤其鍾意Gary嘅《怪你過份美麗》，他打算喺音樂會中加入向好友致敬環節。