首支派台歌《我不如》榮登榜首 Mike感激恩師Eric Kwok提拔
2021-03-14 09:00 
環球新人Mike（曾比特）首支派台歌《我不如》，榮登商台903專業推介榜首，成績相當令人鼓舞。Mike收到消息非常興奮，感激在《全民造星II》一手發掘及提拔他的Eric Kwok（郭偉亮），以及DJ們支持，「好開心！自己真係冇諗過！我仲係一個新人，最初諗如果大家都鍾意呢首歌，有一個正面嘅反應已經好欣慰，冇奢求過得到甚麼殊榮，所以我收到呢個消息嘅時候即刻同身邊嘅人分享，同Eric Sir講『Oh my god！我得咗喇！』好感激Eric Kwok製作呢首歌，同埋多謝林若寧作咗呢份咁好嘅詞畀我！亦好開心偶像Eason（陳奕迅）都有在social media出post支持呢首歌，真係好感恩！多謝903，多謝播過呢首歌嘅DJ，我會繼續更加努力！」
而作為Mike恩師的Eric Kwok當然亦相當興奮，更在社交平台出post恭賀，他寫道：「Congrats Mike！新人第一首派台歌就攞第一，嘩！你真係要好好珍惜！」《我不如》由Eric Kwok作曲及監製、林若寧填詞、張子堅編曲，旋律及歌詞道出自卑者的愛情故事。
關鍵字
最新回應