亂入影樓勁得意 潤娥影廣告照愛犬陪開工

韓團少女時代的潤娥早前為百貨公司免稅店拍攝廣告硬照，今次最特別的是有愛犬RAE-O陪同一齊工作。潤娥昨日在個人YouTube頻道上載拍攝花絮，RAE-O在化妝間已經𠱁得一眾工作人員好開心，而且仲要好聰明，即場表演Hand hand及High five都冇難度。在潤娥影硬照期間，RAE-O在休息室偷食零食，之後被工作人員抱到拍攝現場時更一度亂入，要同主人一齊影相！花絮一出，不少網民都表示被RAE-O嘅可愛所融化，更希望潤娥可以公開更多同狗狗相處嘅點滴。