Edan大展鋼琴王子魅力 Fans讚炒車都咁正

MIRROR成員呂爵安（Edan）早前推出的個人單曲《E先生 連環不幸事件》反應不俗，MV點擊率更已超過170萬人次！為了回饋Fans支持，正在趕拍港版《大叔的愛》的Edan專誠拍攝自彈自唱版MV「找數」，盡展「鋼琴王子」的魅力，連天字第一號「爵屎」阮小儀亦轉發及留言說：「點先……彈琴咁吸引！」Edan亦搞笑回覆說：「多謝正印。」
向來沒有偶像包袱的Edan，其後又在社交網站上載「炒車Version」，並寫道：「嗰段時間每日拍完劇返到屋企仲要繼續練琴做gym，都真係幾chur。同埋拍攝嗰日都好深刻，因為前一晚拍劇由晏晝拍到凌晨8點，瞓咗兩個鐘就嚟開工，拍完再去排舞排到凌晨，全日都好似死屍咁，所以錄嘅時候都有少少唔知自己錄緊咩。」Fans紛紛留言大讚炒車都咁正！