【話題終結KOL】扮哈爾𠱁囡囡開心張繼聰慘被前世情人冷落

2021-03-10 12:30

張繼聰出名疼錫囡囡張靖（Karina），經常在社交網分享與「前世情人」的溫馨點滴。最近Karina迷上宮崎駿動畫《哈爾移動城堡》，經常說自己是女主角蘇菲，有趣的是，動畫男主角「哈爾」的香港版配音正是爸爸張繼聰。昨晚阿聰拍片嘗試扮哈爾同Karina玩，不過囡囡好似唔多受落，唔太想理佢。

片中，阿聰抱着囡囡，用卡通濾鏡特效自拍，兩人的外貌都轉變成卡通人物，阿聰問囡囡：「你係邊個呀？」囡囡回答：「我係蘇菲。」之後阿聰開始扮演角色哈爾：「我係哈爾呀，我會保護你㗎，你做緊咩呀？」囡囡淡然回應：「冇做緊啲咩呀！」網民大讚囡囡好可愛，又指她有配音天份：「狂loop咯唔該，佢把聲真係好似宮崎駿卡通入面小朋友果啲聲。」、「妹妹把聲真係好冧！」，不過又有人笑指囡囡不想理會阿聰：「似乎蘇菲想走話題終結路線，好可愛啊！」，同時亦有網民表示阿聰配音的《哈爾移動城堡》是自己的童年回憶。