【好識冧仔】謝安琪細女用生命密碼表白 張繼聰收「情書」冧到暈

2021-01-29 17:04
阿聰收到囡囡的「情書」即冧晒。
阿聰收到囡囡的「情書」即冧晒。

張繼聰(阿聰)個「前世情人」好識冧仔,話說近日阿聰為新片《馬達.蓮娜》到澳門取景,3歲細女張靖(Karina)就連環Send語音短訊嗲爆老竇:「點呀~」、「有冇掛住我」、「陣間發夢見呀」、「你係咪掛住我呀,爹哋~」,搞到阿聰即刻「囉囉孿」想返屋企,而今日謝安琪(Kay)又於IG貼出一幅手繪畫,大爆囡囡再施冧功寫「情書」畀爸爸!

阿聰收到囡囡的「情書」即冧晒。
阿聰收到囡囡的「情書」即冧晒。
Karina活學活用,以昨晚學識的「1234」寫信畀爸爸。
Karina活學活用,以昨晚學識的「1234」寫信畀爸爸。

相中可見,白紙上除了寫上一堆數字,仲有一個以簡單線條畫的「鬍鬚禿頭佬」,Kay以「給爸爸的信」為題留言,指昨晚才教Karina寫「1234」,今日她便活學活用寫信給爸爸,Kay稿笑道:「我覺得佢寫咗一串生命密碼出嚟,好感動。回應我內心呢一份嘅衝擊,我自己都寫咗少少文字,以表達我洶湧嘅感受……」她笑言畫中阿聰「鬍鬚太多,頭髮很少」,笑問「心理陰影」如何算清?不過,Kay亦乘機借囡囡向阿聰表白:「我把我所識的,全部送給你,1234,爸爸我愛你。」後又打趣道,稱要立即教Karina寫「567890」,好讓她可以去買六合彩,認真爆笑。

3歲的Karina早前傳語音短訊畀身在澳門隔離的阿聰,嗲爆老竇。
3歲的Karina早前傳語音短訊畀身在澳門隔離的阿聰,嗲爆老竇。
阿聰是個「女兒奴」。
阿聰是個「女兒奴」。

事後阿聰也有於IG轉發,並狂留「心心」及「心心眼」Emoji,他說:「妺妹寫俾我嘅第一封信😍😍😍冧晒❤就算畫到我咁少頭髮...🤣」一眾網民也留言:「好掛住ka ka ball(Karina乳名)呀!好sweet呀」、「又叉滿電開工喇!加油」、「妹妹畫得好似你呀」等。

阿聰昨晚於IG Story更新在澳門工作的近況。
阿聰昨晚於IG Story更新在澳門工作的近況。
阿聰與周秀娜為新片《馬達.蓮娜》到澳門取景。
阿聰與周秀娜為新片《馬達.蓮娜》到澳門取景。
阿聰與周秀娜不忘於澳門街頭拍照留念。
阿聰與周秀娜不忘於澳門街頭拍照留念。
阿聰的街拍
阿聰的街拍
周秀娜的街拍
周秀娜的街拍
阿聰一家四口
阿聰一家四口
阿聰上周三貼出夫婦甜蜜合照,慶祝結婚14周年。
阿聰上周三貼出夫婦甜蜜合照,慶祝結婚14周年。
關鍵字

最新回應

關鍵字

相關新聞

熱門文章