爆粗事件後首回應 ERROR指保錡已向隊友瘋狂道歉

2021-03-02 20:10

ERROR四缺一現身《Chill Club推介榜年度推介20/21》記者會，保錡日前自罰停工所以冇出席，其餘三位成員阿Dee、肥仔及193在電話上展示保錡黑白照，象徵ERROR四位一體、保錡精神長存。三子否認保錡退團，表示他休息夠便會重新出發見觀眾，亦尊重其停工決定。阿Dee表示：「黑白相是代表舊的保錡已死，下次再見將會是新的保錡。」193則指保錡向團員瘋狂道歉：「保錡深感內疚㗎嘞，希望佢盡快唞夠復出，冇佢始終爭啲。」肥仔亦十分認同：「冇咗保錡，節目始終少咗瘋狂搞笑嘅感覺。」

保錡早前在直播爆粗罵網民，問到他目前情緒如何？193表示對方已平復不少：「之前我哋喺旺角拍MV，保錡好似有啲精神病咁，會覺得途人都好憎佢。當時我哋只能勸佢，相信佢經歷今次事件會生性！」而阿Dee獲「唱作人」獎提名，他自爆經理人花姐承諾，若他得獎對方會着低胸晚裝示人！肥仔笑說：「姜濤攞獎冇嘢睇㗎，阿Dee攞獎就有花姐睇！」