Gordon@BOP願做司機接送護花　大埔LuLu遇露體狂嚇到喊

2021-03-02 17:23

現年27歲的「宅男女神」大埔LuLu（董嘉儀）日前於社交平台的限時動態出Po，自爆在回家路程中遇上露體狂，她寫道：「岩岩（啱啱）有個變態特登行去我前面，著（着）住條開洞露下體既（嘅）褲，嚇到即刻跑走，忍唔住喊。各位女仔一個人返屋企既（嘅）時候，揀D（啲）多人既（嘅）地方行。」原來該名露體狂是慣犯，LuLu事後接受傳媒訪問時，指一個住附近的朋友也見過他，不過朋友就較勇敢直行直過。

當晚約10點幾、11點，LuLu途徑一條光猛隧道時，見到年約30多歲、穿白色緊身褲兼褲襠開窿的露體狂，她即嚇到聲都出唔到、出盡奶力逃跑，LuLu心有餘悸地說：「佢個樣仲好開心，覺得有人陪佢玩！」幸最終對方也沒有追上來。

LuLu指該名露體狂是慣犯，年約30多歲，當日身穿橙色風褸及白色緊身褲，下身私密部位開窿。

LuLu早前被爆與男子組合天堂鳥（BOP）隊長葉灝基（Gordon）撻着，但她堅稱雙方只是了解中，未正式拍拖。問到Gordon有否慰問？LuLu說：「冇留意，但之後寧願行遠少少條路返屋企，自己一個女仔真係唔夠膽行，有陰影！」至於Gordon表示，如有需要也樂意充當LuLu的「柴可夫」，接送對方返屋企。