Ian重申冇掛住拍拖疏忽工作姜濤同MIRROR拎組合獎更開心

2021-03-02 19:20

ViuTV《Chill Club推介榜年度推介20/21》記者會今日舉行，MIRROR獲得多項提名，隊長Lokman表示難以預計組合會否成為大贏家，不過獎項當然唔會嫌多！姜濤被問到係咪除了「年度女歌手」，其他獎均有提名？他說順其自然：「多謝公司給予機會，信心一般，順其自然啦！想拎組合獎多過個人獎，因為一齊攞獎更開心！」

Ian（陳卓賢）在被爆與盧惠敏（Amy）拍拖後首度開腔談及此事：「我跟Amy的工作範圍不同，冇干涉，所以很少談工作。」他再度澄清缺席新城頒獎禮一事：「當日的確因家事請假，不是因為拍拖。」姜濤爸爸早前亦入院，為何又未有甩底任何活動？Ian指每個人的家庭狀況不同，不能混為一談。他又否認自己是迴避連串緋聞：「因為就算5年後我企返出嚟，大家都會問。」又直認與港姐陳曉華（Hera）是朋友，自己是賣車給她，但並非車上男子。Ian又謂沒留意Hera被自己的Fans抨擊：「可能大家錫住我啫！」