星島日報

老婆被人身攻擊 Bob攬上身:搞我好啦

2021-02-26 19:38
Bob不忍老婆被網上言論攻擊,寧願幫老婆受。
Bob不忍老婆被網上言論攻擊,寧願幫老婆受。

林盛斌(Bob)的太太黃乙頤(Pearl)一向擔任賢內助的角色,在家照顧4名仔女,但近日被批評其樣貌身材和工作,令Bob忍不住要發文公開護妻;並獲不少圈中藝人力撐,包括蔡卓妍、張振朗、洪永城、黃智賢、陳煒等群起稱讚Pearl是好老婆。
Bob在社交網上載了太太的全身照,留言:「最近,有幾個報導(道)提起我太太,然後有好多網民留言評論,包括佢嘅外表同埋佢嘅工作,當然唔會全部都係一啲好好聽嘅說話,人身攻擊嘅有,無中生有嘅都有,好精彩。我太太的確唔係乜嘢大美人,佢只係一個普通女人,40歲,從來唔化妝,冇打針,冇整容,鬆動啲先去買兩件靚少少嘅衫着下,生咗四個小朋友,好努力照顧佢哋,亦安排好佢哋嘅起居飲食同所有嘢,私人時間就去學吓呢樣,做吓嗰樣,然後將自己嘅興趣發展成為事業,靠自己嘅能力同知識去賺取家用,而佢都仍然keep到宜家呢個狀態,喺我心目中,已經係『完美』。各位,搞我好啦,放過我屋企人啦,唔該晒!By the way,佢係瘦咗,又靚咗。」

Bob不忍老婆被網上言論攻擊,寧願幫老婆受。
Bob不忍老婆被網上言論攻擊,寧願幫老婆受。
洪永城、黃智賢、陳煒、蔡卓妍等群起力讚Bob嫂是好老婆。
洪永城、黃智賢、陳煒、蔡卓妍等群起力讚Bob嫂是好老婆。

最新回應

關鍵字

相關新聞

熱門文章