【39歲牛一】首以人母身份慶生感特別 34C陳法拉激罕比堅尼照曝光
2021-02-25 18:40 
剛於情人節驚喜宣佈榮升媽咪的陳法拉，於鼠年尾為法籍丈夫Emmanuel Straschnov誕下女兒「小米妮」。昨日（24日）踏入39歲的她於IG分享了跟家人慶祝的短片，片中可見，Emmanuel為壽星女準備蛋糕又唱生日歌，雖然法拉全程冇露面，但從其笑聲中，聽得出她非常開心，仲一口氣大力吹熄兩個蠟燭，首以人母身份慶生的法拉以英文留言：「這是今年最特別的生日，我第一次做媽咪，並與父母和老公留在家中度過。多謝所有朋友送上的祝福和愛，好感恩你哋喺我生命中出現，亦多謝媽咪帶我嚟到呢個世界。」一眾好友鍾嘉欣、陳敏之及陳自瑤等紛紛留言祝賀。
之後，法拉於IG Story轉載好友貼出的合照和祝福，其中一幅是她與一名外籍女友人在百慕達沙灘影的泳衣照，對方仲搞笑叫壽星女「食Cake．放鬆．保持愉快心情」。而相中，法拉不但以素顏示人，更罕有地穿上性感比堅尼，雖然睇唔晒全身，但仍隱約看到其34C白滑咪咪，明年便「四字頭」的她都算Keep得幾好！
關鍵字
最新回應