片場切炸彈蛋糕賀57歲牛一劉青雲最怕收禮物:「又要諗送返咩畀人」

2021-02-16 15:31

由劉德華及劉青雲「雙影帝」主演的《拆彈專家2》即將在港上映，昨日是青雲的57歲生日，早前導演邱禮濤趁拍攝空檔同一眾「拆彈隊員」在片場為青雲送上生日驚喜，青雲見到專誠訂造的「炸彈蛋糕」笑得好開心。

青雲透露已非首次在片場慶生，他說：「我成日都同人講，唔好話畀人知我生日，不過今次就揚啲！」講到最難忘嘅生日，「有一次生日喺殯儀館取景。」問到太太郭藹明會否跟他補祝生日？青雲即甜絲絲表示：「走唔甩，我相信一定仲有一個生日蛋糕。」而「愛妻號」的他更直言會叫太太不用送禮，因為自己乜都有，買咗唔用好浪費。至於是否不喜歡收禮物？青雲解釋：「唔係唔鍾意，但唔需要破費，大家開開心心食飯咪得囉，其實送禮係一件好難嘅事，收咗人哋嘅生日禮物，人哋生日又要諗送咩畀人，都幾吃力！」談到生日願望，青雲表示：「我相信得一個人開心嘅世界，係唔會開心，所以我希望大家都開心，好好過日子。」