關心妍孫慧雪張美妮圍爐 大爆老公瘀事閨房招式

關心妍（Jade）、孫慧雪（阿雪）、張美妮3位星級靚媽近日齊主持網台節目《靚媽圍爐》，Jade表示：「我哋小朋友年紀相近，正好透過節目與大家分享我們的經驗，觀眾又可以留言畀我哋互相交流心得，我覺得好好呀！」
育有1歲半女兒的張美妮表示懷孕後渴望在網上平台找育兒資訊，遇上此節目就如明燈一樣，獲益良多，希望日後可以與媽媽們開心分享心得。至於在社交網擁有近50萬粉絲的阿雪，2017年由宅男女神搖身一變賢妻良母，從此事業湊B兩兼顧。阿雪笑言：「我好鍾意講嘢，又唔好意思唔湊仔，拍呢個節目啱晒，我同老公講我去拍節目你湊仔！」
3位靚媽在節目中分享育兒趣事，張美妮更大爆餵人奶經歷，包括自己如何發生噴射式人奶噴上天花版瘀事。3人又會分享有錢請陪月都要小心，更因為講得太開心，連求子期老公瘀事、各種閨房招式、如何逼老公進補等等都講埋，所以3人均異口同聲說：「個節目我希望我老公同奶奶都唔好睇！」