【維港會】過年遭親戚當眾奚落「無樓」 公屋男:注定被睇死?

2021-02-19 15:01
一名男網民過年時遭親戚奚落他家住公屋,令他感到難受。資料圖片(示意圖)
一名男網民過年時遭親戚奚落他家住公屋,令他感到難受。資料圖片(示意圖)

港男住公屋就注定被人「睇死」?有男網民日前大吐苦水,指其表姐準備結婚,獲男家出首期購買新居,本來都替對方感到高興,怎料阿姨近日拜年時竟對他「公開處刑」,奚落同樣家住公屋的他「呢個年代無樓,無女肯跟你」,令他感到相當尷尬及難受,不禁問一眾網民:「男人住公屋就要畀人踩?」

一名男網民昨日在網上討論區「連登」以「近排表姐結婚 慨嘆點解女人住公屋都可以做人生贏家」為題發文,指家住公屋的表姐3年前透過交友應用程式,認識了一名家境不錯的男子,現時已到了談婚論嫁的階段,

本來樓主都很替這位從未拍過拖的表姐高興,「可以喺交友App度覓得如意郎君,我都為佢感到高興」,不過近日就發生了一件事令他感到難受。話說農曆新年期間,表姐全家到樓主家拜年,阿姨竟開始瘋狂「曬命」,指女兒未婚夫的父母將會付首期給他們二人買樓,又問樓主的母親「收唔收禮金好」等。這樣還不夠,阿姨竟然「燒埋樓主嗰疊」,對樓主「公開處刑」,「X仔,你要加油喇,呢個年代無樓無女肯跟你㗎!」

當時飯枱有很多人在,令樓主大感尷尬及悲憤,只好「黑口黑面咁哦咗聲就算」。對此,樓主表示「佢(表姐)嫁入中產飛上枝頭,我絕對為佢感到開心,但係點解佢哋要補我刀?……點解世界咁唔公平,男人住公屋就要畀人踩?」樓主之後又補充指,自己的父親爛賭,自己又過瘦、樣貌平平,形容「中哂所有唔好嘅嘢」。

帖文引來大批網民留言,不少人都主動安慰樓主,叫他切勿氣餒,「其實住公屋嫁公屋仔仲好,唔使做樓奴」、「其實大把三尾四頭的事業形女士都對愛情好有憧憬,佢地唔介意另一半係點,只要真心鍾意佢就得」、「有幾贏啊?仲要供到死死吓又要驚畀人炒」、「有時啲親戚開心得滯係亂講嘢」、「男人畀心機做嘢,帶眼識人,唔好睇樣睇身材咁膚淺,一定識到好女仔同你一齊過人世!」

「連登」原文

關鍵字

最新回應

關鍵字

相關新聞

熱門文章