【維港會】喝停小朋友偷餸食遭親戚攔唔餓得 網民嘆欠教養拒再聚餐

2021-02-19 14:49
網民認為長輩辛苦煮飯菜,小朋友不應偷食。示意圖片
網民認為長輩辛苦煮飯菜,小朋友不應偷食。示意圖片

等齊人開飯是傳統中式家庭習慣,但近十多二十年已經隨時代淡化。有網民就以「食團年飯先發覺香港人好無禮貌」為題發文,稱喝停小朋友偷食餸菜,卻遭親戚攔阻稱「唔餓得」,令網民慨嘆新一代欠教養。

有女網民在「親子王國」討論區內發文,「阿媽辛辛苦苦係廚房煮緊,啲餸都未出齊,班化骨龍已經想偷食,我喝住佢哋,話要人齊先食得」。她指,對方父母「話細路仔唔餓得架,嘩大佬,咩叫團年飯呀?當我阿媽係工人?我發誓以後唔同佢哋食飯」。她批評「無規無矩無家教嘅人,我唔想同佢哋食團年飯,咁食法同豬朋狗友食飯有咩分別」。

有人就說,「以前啲人帶細路去人地處食飯或去飲茶,驁细路做啲失禮野。就預先餵飽少少佢哋先。」有人認為「堅持唔好比佢哋偷食,好無禮貌,肚餓攞啲餅比佢哋食住先」。有人認為,「就係太多父母縱啲仔女,所以好多新一代都無與人相處嘅禮儀。其實唔係唔餓得,係唔等得,要即時得到滿足」

有人則批評發文者,「咁少事,你就要攪大去令你父母以後都無得齊人食餐團年飯?你離譜好多」、「樓主覺得家教有問題,啫係話緊自己父母,如果自己父母都唔介意有咩所謂,咁少事要以後都唔一齊食飯,可能家教真係...... 」

也有人認為無傷大雅,「我返外家食飯, 都會偷檯面嘢食, 當住阿媽面前食, 當住我細佬前面食, 仲拎埋俾我仔女食(佢哋2個唔夠膽)。我真係無家教但阿媽整嘢真係好食嘛」、「我係自細經過廚房,啊嫲啊爺已經拎隻雞髀,塞畀我食,逢炸油角老人家又心急想我食,都會塞我哋食先。塞到我變肥妹仔係佢地己任,佢哋仙遊左好耐,冇人再塞畀我食」。

網民認為長輩辛苦煮飯菜,小朋友不應偷食。示意圖片
網民認為長輩辛苦煮飯菜,小朋友不應偷食。示意圖片

關鍵字

最新回應

關鍵字

相關新聞

熱門文章