【獨家】隔6年再拍《狂舞派3》情不變 蔡瀚億顏卓靈楊樂文撐本土藝術

2021-02-18 18:05
三人異口同聲表示,拍《狂舞派3》有時已分不到是角色定自己,感覺好真實。
三人異口同聲表示,拍《狂舞派3》有時已分不到是角色定自己,感覺好真實。

電影《狂舞派3》因疫情令上映日期一改再改,年初七(18日)終可跟觀眾見面,主角蔡瀚億(BabyJohn)、顏卓靈(Cherry)和楊樂文(Lokman)當然興奮,而相隔6年再原班人馬合作,同樣令他們好感恩,最難得大家感情不變。而對於今次電影以工廈藝術家做題材,他們都認為香港本土藝術文化工作者生存空間確實困難,希望社會都要好好珍惜及支持。撰文:杜淑霞 攝影:梁志明 髮型:Hugo Poon(顏卓靈)、Eve Chiu(蔡瀚億)、Man [email protected] Private I Salon(楊樂文) 化妝:Vinci Tsang、Winki [email protected](顏卓靈+蔡瀚億)、Giann [email protected] G.Chan Makeup Centre(楊樂文)服飾:MAX&Co.、PENNYBLACK、Charles&Keith、Swarovski(顏卓靈)、MISTERGENTLEMAN(蔡瀚億)、@HBX Hong Kong(楊樂文)

三人異口同聲表示,拍《狂舞派3》有時已分不到是角色定自己,感覺好真實。
三人異口同聲表示,拍《狂舞派3》有時已分不到是角色定自己,感覺好真實。
提到三人今集睇落比第一集更年輕,BabyJohn特別雀躍,即被兩位拍檔取笑。
提到三人今集睇落比第一集更年輕,BabyJohn特別雀躍,即被兩位拍檔取笑。



Lokman謂雖然12年完成第一集到18年再聚首,但大家感情和默契有增無減,因間中都有見面傾偈,「我哋都有幾年感情喺度,感慨睇套戲見番大家成長,由小朋友到(顏:青年人)係青年人,哈哈!個感覺好似一班真正嘅朋友,演緊一班真正朋友咁樣,睇嘅時候有種奇怪感覺。」Cherry都好認同,「我哋第一集個個薯仔頭咁,好似小學生去秋季旅行,到𠵱家人生階段差唔多,好多默契不言而喻。」BabyJohn補充,「大家都係薯仔就薯仔,但當大家做到一啲嘢嘅時候,再夾埋一齊,都唔會有人要有個人表現。」

《狂舞派3》以工廈藝術家為主題。
《狂舞派3》以工廈藝術家為主題。
上一集有場BabyJohn同Cherry搶氣球,今集就有Lokman和Cherry有場搶住櫈跳舞戲,但拍攝時兩人因太近,搞到互插對方塊面受傷。
上一集有場BabyJohn同Cherry搶氣球,今集就有Lokman和Cherry有場搶住櫈跳舞戲,但拍攝時兩人因太近,搞到互插對方塊面受傷。


工廈藝術家難生存


三人都覺得導演黃修平今次以工廈藝術家為題材好難得,亦認為香港社會對本土藝術文化未夠支持和珍惜。Lokman說:「我自己本身都係(工廈藝術家),有啲慘,但慘得嚟好開心,佢哋俾人打壓緊,但堅持住自己鍾意嘅嘢繼續衝,呢個生命力好強大,造就咗呢個生態環境喺呢個地方。」Cherry就覺得疫情下藝術工作者更難生存,「好似防疫(抗疫)基金咁,好多人入唔到,雖然好多時代都會,多啲掙扎個藝術作品更加綻放出嚟,但係壓到一個位,咁大盤水淋落咁細火度,真係好灰心囉!好多人頂唔順選擇離開,咁就損失咗,其實本地養育佢哋係應有嘅尊重啫!」最初演舞台劇、都是工廈藝術家出身的BabyJohn,就認為作品質素最重要,「工會已經成立咗,可以爭取嘅嘢做到幾多,的確唔係我哋可以掌握得到,但係保質素,慢慢令到觀眾入劇場,呢個我覺得仍然有希望。」

上一集有場BabyJohn同Cherry搶氣球,今集就有Lokman和Cherry有場搶住櫈跳舞戲,但拍攝時兩人因太近,搞到互插對方塊面受傷。
上一集有場BabyJohn同Cherry搶氣球,今集就有Lokman和Cherry有場搶住櫈跳舞戲,但拍攝時兩人因太近,搞到互插對方塊面受傷。
BabyJohn今集演KOL(左),比起上一集「柒良」造型真係堅回春。
BabyJohn今集演KOL(左),比起上一集「柒良」造型真係堅回春。
BabyJohn今集演KOL(左),比起上一集「柒良」造型真係堅回春。
BabyJohn今集演KOL(左),比起上一集「柒良」造型真係堅回春。
今集Lokman和Cherry將會合演情侶,有不少感情戲。
今集Lokman和Cherry將會合演情侶,有不少感情戲。
Lokman第一集演「Dave」,外形真的跟現在差好遠。
Lokman第一集演「Dave」,外形真的跟現在差好遠。

最新回應

關鍵字

相關新聞

熱門文章