熟睡慘被囝囝擘眼叫醒陪玩孫慧雪自貼醜態呻做阿媽好陰功

2021-02-17 13:00

孫慧雪與老公羅天彥的兒子Riley已經3歲半大，小朋友好黐身又唔願瞓覺，就算阿雪收工返歸用大量時間陪玩陪放電都冇用。之前阿雪受訪曾透露囝囝夜晚特別好精力，搞到佢都冇時間休息，攰到死咁話。

今日阿雪在IG上載了一張瞓覺時被囝囝整醒的照片，她表示當自己早瞓過囝囝時，囝囝便會夾硬用手擘大阿雪已合埋嘅雙眼，想媽媽繼續陪自己玩，相中阿雪醜態盡現，難怪她留言：「殘酷真相！膽小者勿看！每次當媽媽想早瞓過佢嘅時候⋯⋯」她坦言這是媽媽悲歌，又指這張相太恐怖，因此分享完24小時後便會刪除，可見媽媽真係唔易做。