【獨家】方便聾啞人士推透明I-SEE口罩 家燕姐祥仔美儀浚霆讚好無障礙溝通

2021-02-07 21:00
福幼基金會執行董事會董事祥仔,日前偕家燕姐、美儀和陳浚霆,戴上I-SEE口罩體驗無障礙溝通。
福幼基金會執行董事會董事祥仔,日前偕家燕姐、美儀和陳浚霆,戴上I-SEE口罩體驗無障礙溝通。

新冠肺炎疫情持續1年多,市民已習慣長期戴口罩防疫,但聾人及弱聽人士就相當不便,因為他們要透過讀唇、手和表情用來溝通,有見及此,慈善團體福幼基金會去年便研發出「防霧透明窗醫用口罩(取名為「I-SEE口罩」)」。身為執行董事會董事的阮兆祥(祥仔)日前偕薛家燕(家燕姐)、江美儀和陳浚霆,戴上I-SEE口罩體驗無障礙溝通,家燕姐不忘搞笑自誇嘴靚笑容又靚,搞到祥仔都忍唔住哄前索吻;而美儀就爆陳浚霆怪癖,疫情期間鍾意睇人「離罩」!採訪:譚壹致、袁東亮 場地:六公館

福幼基金會執行董事會董事祥仔,日前偕家燕姐、美儀和陳浚霆,戴上I-SEE口罩體驗無障礙溝通。
福幼基金會執行董事會董事祥仔,日前偕家燕姐、美儀和陳浚霆,戴上I-SEE口罩體驗無障礙溝通。
戴上I-SEE口罩的家燕姐露出靚唇,祥仔即讚Sexy並挨近作狀咀嘴,結果被對方怕醜拍打,場面搞笑!
戴上I-SEE口罩的家燕姐露出靚唇,祥仔即讚Sexy並挨近作狀咀嘴,結果被對方怕醜拍打,場面搞笑!

為抗疫戴足一年口罩,自稱「靠把口及樣搵食」的家燕姐,笑言一向嫩滑的肌膚都因為戴口罩焗到生暗瘡;同為電台DJ的阮兆祥表示開咪時,因聲音被口罩「隔住」令效果朦朧,他說:「有時10個人坐長枱開會,大家遮住口都唔知邊個講嘢,正常人溝通都有困難,更何況聾啞人士呢? 有時佢哋要靠手語配合口形先可以準確地表達意思,所以疫情期間好多聾啞人士喺溝通方面遇到困難。」

因此,祥仔透露去年福幼基金會研發了I-SEE口罩,方便聾啞人士同人溝通。訪問當日,戴上該款口罩的家燕姐笑道:「好欣賞各位為呢個社會、香港人做友善嘅嘢,呢個口罩真係好有用,你哋睇唔睇到我個嘴?(祥仔:睇到,好Sexy,忍唔住想咀落去。)我個嘴係靚,但淨係睇我個嘴,因為唔係大眾都學過手語,好似蕭芳芳本身有弱聽,同我哋溝通係睇口形,所以戴咗呢個口罩就方便好多。」

美儀稱戴口罩後難以認人,人與人之間的距離也遠了,並笑指陳浚霆「紅咗唔約人」。
美儀稱戴口罩後難以認人,人與人之間的距離也遠了,並笑指陳浚霆「紅咗唔約人」。
福幼基金會創會董事何麗全、家燕姐及祥仔均盼透過I-SEE口罩分享笑容,將正能量和開心情緒宣揚開去。
福幼基金會創會董事何麗全、家燕姐及祥仔均盼透過I-SEE口罩分享笑容,將正能量和開心情緒宣揚開去。

習慣睇人口形的江美儀直言戴罩後經常聽錯嘢,又不肯定別人是否跟自己說話,這段期間惟有靠估,陳浚霆笑謂:「所以我會等幾秒先畀反應人,變相學識做個好好嘅聆聽者。(美儀:即係我平時唔聽你講嘢?)唔係,舉例啫!」深明聽障人士的苦況,美儀也慶幸本港終推出I-SEE口罩,她說:「除咗聽障人士外,我哋都可以用嚟同佢哋溝通,加上好耐都冇見到大家笑,戴呢個口罩就可以見多啲笑容,多啲正能量。」陳浚霆就大讚可調節耳帶長度設計,「見啲人唔識揀口罩,發生離晒罩嘅現象。(美儀:你唔係鍾意睇人離罩咩?)呢啲嘢唔好喺度講,但呢款口罩無論好似你塊面咁Camera face,或我咁大塊面都Fit到,好貼、好舒服!」

福幼基金會與弓立醫療用品有限公司合作研發和製作「防霧透明窗醫用口罩」。
福幼基金會與弓立醫療用品有限公司合作研發和製作「防霧透明窗醫用口罩」。
「防霧透明窗醫用口罩」設有防霧透明膠片,並達至 ASTM Level 2 標準,讓聽障人士能在疫情下安全溝通。
「防霧透明窗醫用口罩」設有防霧透明膠片,並達至 ASTM Level 2 標準,讓聽障人士能在疫情下安全溝通。
I-SEE口罩自去年12月面世,首批 65,000 個已送予 17 間服務聾啞人士的慈善團體、學校和社企等。
I-SEE口罩自去年12月面世,首批 65,000 個已送予 17 間服務聾啞人士的慈善團體、學校和社企等。
祥仔指該款口罩本月初已於實惠發售,所得收益扣除必要開支後,會放回基金會作慈善用途,製作更多I-SEE口罩送給有需要人士。
祥仔指該款口罩本月初已於實惠發售,所得收益扣除必要開支後,會放回基金會作慈善用途,製作更多I-SEE口罩送給有需要人士。
家燕姐稱抗疫期間手袋重過之前好多,因為隨身必帶消毒噴霧、搓手液和大量口罩出街
家燕姐稱抗疫期間手袋重過之前好多,因為隨身必帶消毒噴霧、搓手液和大量口罩出街
長期戴住口罩做節目的祥仔表示,有時用中氣扮聲10分鐘已幾乎缺氧,好辛苦。
長期戴住口罩做節目的祥仔表示,有時用中氣扮聲10分鐘已幾乎缺氧,好辛苦。
美儀笑言戴口罩的好處是唔使化妝,慳好多,連傷風感冒都少咗。
美儀笑言戴口罩的好處是唔使化妝,慳好多,連傷風感冒都少咗。
陳浚霆更珍惜與人相處的時光,並更願意聆聽家人、朋友講的每件事情。
陳浚霆更珍惜與人相處的時光,並更願意聆聽家人、朋友講的每件事情。
關鍵字

最新回應

關鍵字

相關新聞

熱門文章