【維港會】拍拖一個月始知女友有2歲兒 港男怨同事介紹前未講清

現代人生活繁忙，沒有機會結識另一半，不少人會通過朋友介紹。但一位港男近日抱怨指，同事介紹結識現任女友，但雙方拍拖一個月，才驚知對方原來有一名2歲多的兒子。

港男指，早前應約與同事行山，期間結識同事的女友人。同事其後先行離開，故意為二人製造機會，他亦順理成章送對方回家，之後二人一拍即合。

拍拖一個月，女朋友時不時都提起自己年輕時被騙，希望港男不要介意。港男並沒有放在心上，並安慰她「咁我都知邊個人冇過去呀，人生流流長總會遇幾個人渣」。直到有日，女友說星期六日要接兒子回家住，最近不方便讓他到家中。「我當場突咗突，以為自己聽錯，仲問佢係唔係佢個仔」。女友說兒子已經2歲多，平時都由外婆照顧，並指以為同事已經和港男説明了她的情況。

回到公司，港男質問同事，「點解介紹個有仔嘅女人俾我？」但同事不認為有問題，更反批評港男「如果因為人哋有仔你就唔要人，你真係好冇道德」。港男責怪同事亂點鴛鴦，並對陷於兩難局面感到懊惱。

有網民認為同事存心暪騙，「咁大件事唔一早講清楚，呢啲人遲早冼你一鑊」、「恭喜閣下已中了天鮮局」，有人就認為不應該因女友有兒子而抛棄她，「你係愛條女嘅佢有廿幾個仔女都愛啦」、「個女人都有講俾你聽佢係人母，冇呃你，你唔接受咪離場囉。緣份好難講，有啲人真係唔介意」。