愛貓陪玩瑜伽又陪瞓 41歲吉川日奈夏威夷快樂佗B生活

當年曾有「九頭身美少女」之稱的多棲日本名模吉川日奈話咁快41歲。19歲時跟前視覺系樂隊SHAZNA主音IZAM閃婚，但婚姻只維持7個月便玩完，被外界嘲笑兒戲。2011年，她跟年長5歲、經營時裝生意的圈外人奉子再婚，先後誕下一女一子，6年前移居夏威夷生活，近日宣佈懷第三胎，更指今次孕吐嚴重。

吉川有IG，3個月前更開設YouTube頻道跟Fans分享夏威夷的富貴又優閒的生活，例如一家人食買玩享受陽光與海灘或者介紹超巨廚房，家中三貓出鏡率亦好高，今日出鏡就有鄰居雞及鄰居孔雀，隻隻都好活潑。

一向鍾意玩瑜伽的大肚吉川Keep住玩瑜伽，愛貓更陪住玩非常得意，出咗汗仲嚟一個午睡，黐身貓貓繼續攬實主人一齊瞓，畫面溫馨又治癒。