【獨家】搵何麗全幫拖修補唱片公司關係 曾志偉唔想《勁歌》自己友玩晒撥亂反正

2021-02-05 00:43
傳曾志偉唔想《勁歌》自己友玩晒,搵嚟資深電視人何麗全重返幫拖,修補TVB跟其他唱片公司關係。
傳曾志偉唔想《勁歌》自己友玩晒,搵嚟資深電視人何麗全重返幫拖,修補TVB跟其他唱片公司關係。

3年多前,曾志偉因為同助理總經理(非戲劇製作)余詠珊多次吵大鑊而離開TVB,直至上月21日忽然回巢更空降成為高層。據知,曾志偉將於大年初一強勢回歸,當日他會拍住新上任的無綫董事局主席許濤,首以高層身份現身TVB同觀眾拜年,各部門高層已收通知奉命出席。另外,正埋緊班嘅曾志偉有意搵返前非戲劇節目總監何麗全回歸,主力重修同環球、華納和Sony唱片公司的關係,平衡返《勁歌》由「自己友」玩晒的唔健康生態,TVB誓將大變天!採訪:方騫平

傳曾志偉唔想《勁歌》自己友玩晒,搵嚟資深電視人何麗全重返幫拖,修補TVB跟其他唱片公司關係。
傳曾志偉唔想《勁歌》自己友玩晒,搵嚟資深電視人何麗全重返幫拖,修補TVB跟其他唱片公司關係。
強勢回歸

曾志偉喺大年初一以高層身份同無綫董事局主席許濤、行政總裁李寶安等齊齊同觀眾拜年。
強勢回歸 曾志偉喺大年初一以高層身份同無綫董事局主席許濤、行政總裁李寶安等齊齊同觀眾拜年。

曾志偉特別揀咗大年初一隆重「登場」,到時跟董事局主席許濤、行政總裁李寶安、現屆港姐及TVB一眾管理層等同觀眾拜年,而胡楓繼續化身財神爺大派好運利是,TVB管理層已接獲內部通知必須現身撐場,屆時曾志偉跟「余派」余詠珊、余詠珊老公何哲圖(Herman)及杜之克將正面交鋒。

何麗全秘密會見許濤

曾志偉由昔日「鎮台之寶」變身今日「收視救星」,據知全因「情意結」。其實大情大性嘅獎門人好Enjoy做綜藝節目,本身亦冇乜「死敵」,2013年港姐轉賽制,由余詠珊統籌下準決賽由直播變錄影,作為司儀嘅志偉終於爆煲大鬧余詠珊:「X你老母!港姐係Live,點解要錄影呀?」自此志偉憤然離場,而由他一手捧紅嘅愛將如林曉峰、金剛及崔建邦等亦在TVB冇運行。不過地球係圓嘅,TVB新任大股東兼非執行董事黎瑞剛係志偉老友,造就志偉回歸並將全面負責綜藝及資訊娛樂節目,仲「賜封」埋王祖藍做無綫首席創意官,兩師徒拍住上。最重要是志偉今次直接空降落地,機密到連李寶安都唔知,職銜大到跟掌管節目及製作嘅副總經理杜之克同級,屬余詠珊阿頭,係威係勢!曾志偉現正埋班中,新班底預計喺4月返工,據知,志偉有意搵埋有「電視城橋王」之稱嘅何麗全回巢,日前何麗全曾秘密現身電視城,有傳他跟TVB董事局主席許濤會面。

猛人加入

何麗全做咗電視台管理層超過40年,曾搞過《獎門人》系列及台慶show,行內人緣極佳。
猛人加入 何麗全做咗電視台管理層超過40年,曾搞過《獎門人》系列及台慶show,行內人緣極佳。
師徒合作

曾志偉由《獎門人》開始就睇中徒弟王祖藍既有創意轉數又夠快,兩人經常拍住上。
師徒合作 曾志偉由《獎門人》開始就睇中徒弟王祖藍既有創意轉數又夠快,兩人經常拍住上。

胡鴻鈞柏豪隨時失勢

何麗全做咗電視台管理層超過40年絕對係資深電視人,以往策劃過多個受歡迎gag show,同志偉超級老友,當年《獎門人》系列由他策劃。直至2011年「殼王」陳國強入主,管理層大洗牌,變咗由余詠珊頂替。「何麗全𠵱家製作嘅演唱會,好多都有預志偉,佢最優勢係人緣好好,而佢同好多唱片公司高層、經理人、甚至三大唱片歌手陳奕迅及張學友等都好friend,如果由佢出面重修TVB跟環球、華納和Sony關係,TVB成個綜藝組玩法就會改寫,甚至唔排除喺TVB開多間附屬唱片公司嚟營運,變咗各有各山頭,到時Herman失勢,旗下嘅星夢娛樂歌手菊梓喬、胡鴻鈞、周柏豪唔會獨大,𠵱家唱片公司同行內人剝緊花生等睇好戲。」知情者說。

抗衡「余派」

獎門人忽然空降回巢成為TVB高層,同杜之克同級,被指將同「余派」惡鬥。
抗衡「余派」 獎門人忽然空降回巢成為TVB高層,同杜之克同級,被指將同「余派」惡鬥。
「師傅」反目

喺StarEast時代,曾志偉曾經係余詠珊老闆,自余詠珊入咗TVB身居要職,就同「師傅」反目。
「師傅」反目 喺StarEast時代,曾志偉曾經係余詠珊老闆,自余詠珊入咗TVB身居要職,就同「師傅」反目。
多「牙齒印」

過往幾年Herman旗下嘅星夢娛樂歌手均於《勁歌總選》狂攞獎,同其他唱片公司積落唔少「牙齒印」。
多「牙齒印」 過往幾年Herman旗下嘅星夢娛樂歌手均於《勁歌總選》狂攞獎,同其他唱片公司積落唔少「牙齒印」。
廣結人緣

早年陳奕迅喺台北開Show,何麗全專程去探班,近年何麗全都有幫Eason搞show。
廣結人緣 早年陳奕迅喺台北開Show,何麗全專程去探班,近年何麗全都有幫Eason搞show。
備受尊重

志偉好受後輩尊重,薛凱琪當年曾出席志偉生日會,仲上台同壽星公跳舞,玩得好開心。
備受尊重 志偉好受後輩尊重,薛凱琪當年曾出席志偉生日會,仲上台同壽星公跳舞,玩得好開心。
超多朋友

志偉相識滿天下,同巨星梁朝偉、影帝張家輝、「歌神」張學友等超friend。
超多朋友 志偉相識滿天下,同巨星梁朝偉、影帝張家輝、「歌神」張學友等超friend。
關係密切

何麗全曾出席志偉生日會,兩人更加係生意上伙伴,關係密切。
關係密切 何麗全曾出席志偉生日會,兩人更加係生意上伙伴,關係密切。
四出取經

王祖藍入主無綫擔任首席創意官前,分别到美國,日本及韓國觀摩唔同嘅大型綜藝節目去取經,希望帶嚟新創意。
四出取經 王祖藍入主無綫擔任首席創意官前,分别到美國,日本及韓國觀摩唔同嘅大型綜藝節目去取經,希望帶嚟新創意。
星夢獨大

菊梓喬、胡鴻鈞、周柏豪喺今年《勁歌總選》大豐收,搞到畀網民取笑《勁歌總選》變咗公司春茗冇晒公信力。
星夢獨大 菊梓喬、胡鴻鈞、周柏豪喺今年《勁歌總選》大豐收,搞到畀網民取笑《勁歌總選》變咗公司春茗冇晒公信力。
深入民心

由曾志偉同林曉峰、錢嘉樂主持嘅《獎門人》系列大受觀迎,多年嚟獎門人形象深入民心。
深入民心 由曾志偉同林曉峰、錢嘉樂主持嘅《獎門人》系列大受觀迎,多年嚟獎門人形象深入民心。
關鍵字

最新回應

關鍵字

相關新聞

熱門文章