【再搞《獎門人》？】爆錢嘉樂隨時跟志偉返TVB 湯盈盈操Fit準備同後生女鬥過
2021-02-03 20:00 
湯盈盈今日出席TVB處境劇《愛．回家之開心速遞》新春活動，談到正忙為兩名女兒安排農曆新年節目，丈夫錢嘉樂一度提議北上過年，但盈盈表示唔好：「唔知隔離幾耐又唔知幾時返，我有朋友同老錢成年冇見。」並謂稍後跟劉德華（華仔）拍電影的嘉樂，正操Fit身體，她笑道：「我問可唔可以做茶水，咁我就可以見華仔，佢即刻擰擰頭，怕我失禮人。」
此外，有指曾志偉新年前回港重掌綜藝科，盈盈說：「我唔知，但我偷聽到好似係。」但直言期待對方為TVB帶來新衝擊，她打趣道：「開始要操Fit，佢啲遊戲節目一定會搵後生女，到時同佢哋鬥過。（偷聽到有新計劃？）之前有聽過佢哋戲言重拍『獎門人』，嘉樂都隨時準備跟隨志偉回歸TVB。」
關鍵字
最新回應