星島日報

【獨家】牛年唔再做「顧定喊」 顧定軒望跟梁祖堯Manson合作

2021-02-04 21:00
顧定軒話牛年唔想再做「顧定喊」,更希望跟梁祖堯和Manson合作。
顧定軒話牛年唔想再做「顧定喊」,更希望跟梁祖堯和Manson合作。

顧定軒(Zeno)去年憑ViuTV熱爆的《男排女將》及《全民造星III》可謂大豐收,在疫情下鼠年仍發展不俗,快將踏入牛年,他決定插盤靚花送畀《頭條》讀者,希望大家有個開心愉快新一年。展望牛年Zeno特別想挑戰舞台劇,更透露希望跟「媽媽」梁祖堯及「最佳螢幕情侶」的Manson(張進翹)再合作.又笑指最想拍整蠱人節目,望搣甩「顧定喊」形象。撰文:杜淑霞 攝影:張詠森 髮型:[email protected] attic 化妝:mon 服裝:Vo-yage 花卉:Les fleurs de Doris 場地:The AIR (The ONE)

顧定軒話牛年唔想再做「顧定喊」,更希望跟梁祖堯和Manson合作。
顧定軒話牛年唔想再做「顧定喊」,更希望跟梁祖堯和Manson合作。
Zeno花了大半小時,終於完成花作,更打算送給至愛的嫲嫲。
Zeno花了大半小時,終於完成花作,更打算送給至愛的嫲嫲。


當日雖然是Zeno首次插花,但在花藝師Doris Tan指導下好快上手,更大讚他唔似初哥,他就解釋:「可能插花原理同紥鐵有啲似,我之前做過兩個月紥鐵,所以容易啲上手。」不過他覺得插花易學難精,每種花形態及花枝不同,單是插落花泥已不容易。對於鼠年Zeno坦言又愛又恨,因大家飽受疫情煎熬,但他事業發展卻又不俗,「2020年真係俾畀疫情影響得太多,無論巿道又好,大家心情都好。但自己唔敢唔滿意,舊年無論成績又好,自己嘗試都好,已經係好豐收同大膽嘅一年。」

Zeno在花藝師Doris Tan指導下好快上手,他解釋可能跟學過紥鐵有關。
Zeno在花藝師Doris Tan指導下好快上手,他解釋可能跟學過紥鐵有關。
Zeno憑着去年人氣,甫踏入2021年即奪得不少獎項。
Zeno憑着去年人氣,甫踏入2021年即奪得不少獎項。


想做整蠱人節目

《造星III》不少項目加入戲劇原素,令入行前修讀舞台劇戲劇班的Zeno再撻起舞台劇癮,除不排除繼冠軍Ben後,另一個參賽者跟「媽媽」梁祖堯合演舞台劇,「我諗佢應該有啲計劃嘅,但係暫時未落實到,同埋我自己都好想做舞台劇,其實我最開始接觸演戲係喺舞台度先嘅,因為上咗一個戲劇課程,第一步接觸演戲,亦都係舞台上發生嘅。」至於外界一直好期待他跟Manson合體,他坦言也很希望拍成電影,但透露未有實質有關《我們》的計劃,「我自己係期待,但等待一個時機囉!」在《造星III》經常喊的Zeno,被網友封為「顧定喊」,牛年他想一洗污名要做「顧定玩」,「我都覺得有啲肉酸,成日都喊,我自己幾想畀大家見到我開心啲,我鍾意玩鍾意搞笑,好想做一個整蠱人節目。」

Zeno跟「媽媽」祖祖有望在舞台劇上再度合作。
Zeno跟「媽媽」祖祖有望在舞台劇上再度合作。
Zeno跟Manson在《造星III》演出《我們》深受歡迎,早前更獲ViuTV頒發「最佳螢幕情侶大獎」。
Zeno跟Manson在《造星III》演出《我們》深受歡迎,早前更獲ViuTV頒發「最佳螢幕情侶大獎」。
去年Zeno拍了3部電影,其中有《電子靈》,可惜受疫情影響全部未上映。
去年Zeno拍了3部電影,其中有《電子靈》,可惜受疫情影響全部未上映。

最新回應

關鍵字

相關新聞

熱門文章