【維港會】家具店買3盞燈疑為內地網購貨差價10倍 港女感斂財欲退貨

2021-02-02 20:00
網民不滿在港家具店買燈比內地網購貴10倍。示意圖片
網民不滿在港家具店買燈比內地網購貴10倍。示意圖片

網上討論區「親子王國」有網民發文,在家具店買3盞燈具,懷疑是內地網購的貨物,而且相比在網購價錢相差10倍還另收安裝費,心有不忿希望退貨。

當事人投訴,「響一間傢俬店買,佢啲嘢好簡約,襯得好靚,買咗3盞燈,兩廳一房用,好奇用淘寶搜尋,3盞都是淘寶貨!價錢爭10倍,未有貨住。可以點?可唔可以要求退貨?但已畀晒錢」。當事人解釋,「我知好多都係大陸做,但無諗過竟然是淘寶百幾蚊貨仔!」,又批評「(店家)唔包(安裝費)!仲收成800 蚊安裝費!我自己揾師傅裝都是250 蚊盞」,「同佢(店家)買都等2 個星期呀」。

網民不滿在港家具店買燈比內地網購貴10倍。示意圖片
網民不滿在港家具店買燈比內地網購貴10倍。示意圖片

有網民認為,「畀哂錢都無計嫁啦,照要囉」。不少網民建議日後多上網格價,「以後直接淘寶算,反正咁平,真係唔啱損失都唔大」 、「現在香港只要細鋪無牌子嘅貨99%都係淘寶」、「其實香港好多燈舖都係淘寶貨,不過人哋要交租又人工,賣貴啲都無可厚非,唯一好處係可以睇到實物,下次睇啱上淘寶搵下先買啦」、「好多嘢你直接買當然會平啲,不過你同人哋買人哋幫你做哂聯絡運送各樣,都係服務的一種,你好難去計話人哋賣貴你架噃,正等於貨來到如果質素唔好,佢係要負責幫你換,呢啲完全唔駛你自己做。經一事長一智,最多下次自己用多啲時間去格下價先幫襯鋪頭囉」、「咁無辦法啦,可能佢都係淘落黎,香港鋪租又貴,人工又貴,好難維本」、「淘寶係一個有海量貨品嘅平台,而店鋪係從海量貨品中選擇左一啲有品味嘅貨供客人選擇,搵嘅過程中佢都有時間成本,而且採購都係人工來。妳睇啱係因為件貨合你心意才購買,咁都係你情我願才畀錢購買,但你話中伏係因為貨品來源地?唔係掛…點睇都唔覺得係中伏,似係你對大陸產品有偏見多。」

也有人寧願在港購買,「我買燈都知淘寶一樣有,但我計過運費安裝仲有冇損壞保養,最後我都係香港買,當然係貴啲啦。」、「我朋友之前裝修淘燈,第一次裝咗唔著,之後寄返去再換,第二次都唔得,應該係火牛嗰度有問題,之後直頭退錢香港買,寄來寄去,爭啲搞到裝唔切」。

關鍵字

最新回應

關鍵字

相關新聞

熱門文章