NuMe入稟控區議員袁海文誹謗及惡意謬誤 要求賠償及道歉

2021-02-02 17:26
NuMe入稟控袁海文(圖)誹謗及惡意謬誤。資料圖片
NuMe入稟控袁海文(圖)誹謗及惡意謬誤。資料圖片

美容院近日因疫情持續而被勒令停業,NuMe名人醫美外科中心早前發聲明,指稱自己是醫療中心而非美容院,故一直照常營業。NuMe指「香港美容監察」召集人、民主黨深水埗荔枝角中區議員袁海文,去年12月在記者會中惡意中傷NuMe,指控有醫學美容的醫生、處所、公司為了牟利不配合防疫政策,說出:「Nume話自己唔係美容院,跟住又話有唔同巡查都話無問題⋯⋯攞緊暫准的醫療機構牌照,話自己唔係美容院,佢好似仲覺得自己無問題咁」。NuMe指袁海文的言論構成誹謗及惡意謬誤,今入稟高等法院要求袁海文就事件賠償及公開道歉,亦要求袁海文撤回有關誹謗言論。

原告為名人醫學美學有限公司,被告為民主黨深水埗荔枝角中區議員、香港美容監察召集人袁海文。原告在入稟狀指,袁海文成立「香港美容監察」,其宗旨是監察香港美容業界的經營情況及行銷手法,以確保消費者的利益受到保障,而袁海文在2018年4月24日指控原告的醫生違反《醫生註冊條例》及《香港註冊醫生專業守則》,又在2020年12月18日近40分鐘的記者會中指:「有啲醫學美容嘅醫生、處所、公司,為咗牟利,其實就完全唔配合個防疫政策,不斷話自己係診所唔係美容處所,其實係會好誤導市民」。

袁又指:「我呼籲政府要積極考慮唔好發牌比呢啲公然違規,公然為咗賺錢嘅醫生或處所,要打擊呢啲害群之馬」,「食衛局應該嚴懲呢啲公然或明知故犯違規嘅醫療中心或美容中心,將呢啲違規嘅人員定罪,甚至要嚴重啲,用監禁形式懲罰」,「呢啲機構係咁關鍵、全城咁艱難嘅情況,佢都公然違規⋯⋯Nume 話自己唔係美容院,跟住又話有唔同巡查都話無問題,攞緊暫准的醫療機構牌照,話自己唔係美容院,佢好似仲覺得自己無問題咁,我覺得政府絕對要好認真咁執法同調查」。

NuMe名人醫美外科中心的官方網站已發表聲明,指其中心並非美容院,而是為政府認可「醫生或醫護人員營運的診所或醫療中心」,故並非違規營業。NuMe指自己從未獲批美容院防疫基金,中心醫療業務及急切醫療服務仍會照常運作,以證清白及釋除客人的疑慮,並對一切抹黑、誣衊行為保留法律追究的權利。

法庭記者:劉曉曦

關鍵字

最新回應

關鍵字

相關新聞

熱門文章