品牌韓國代言人係BTS 姜濤收廣告酬勞幫補利是開支

2021-02-02 16:30
姜濤果然係疫市奇葩,大把廣告拍。
姜濤果然係疫市奇葩,大把廣告拍。

姜濤由出道至今都係吸金王,廣告量之多,要寫可以寫滿成版紙,咁當然升格為「我最愛的男歌手」,酬勞當然有所增加,但無阻品牌老細送錢畀佢使,最新有韓國由BTS做代言人的運動品牌邀請咗姜B拍攝新一季廣告,更以他的音樂歷程做主題。

姜濤果然係疫市奇葩,大把廣告拍。
姜濤果然係疫市奇葩,大把廣告拍。
廣告中嘅姜濤時而沉思。
廣告中嘅姜濤時而沉思。

姜濤表示自己有不足,但會努力做好每一個工作,積極為未來奮鬥:「其實今次廣告同我都好似,攝影師叫我擺番啲天然呆嘅Pose,再回憶翻入行嗰陣,好多時未了解發生咩事;到發現自己唔係新人喇,要更加有自信去做每一件事,所以去到拍攝後半段佢哋叫我嘅眼神要肯定啲!」

唔知啲相想表達乜,唔緊要,睇姜濤就夠。
唔知啲相想表達乜,唔緊要,睇姜濤就夠。
姜濤要求品牌送鞋畀佢,佢可以送畀MIRROR班好兄弟。
姜濤要求品牌送鞋畀佢,佢可以送畀MIRROR班好兄弟。

對於由新人升呢做「我最喜愛男歌手」,姜濤坦言要重新適應:「好似就嚟過年,以前我係負責逗利是,𠵱家經理人同我講,過年開工要派利是畀工作人員,我都覺得怪怪地、未習慣,但係成長過程就係咁,慢慢去學囉,而且身邊嘅人真係幫咗我好多,派比大家都係開心嘅。好在過年前接到呢個廣告,當做幫補吓啲利是錢!」



另外姜濤拍廣告亦不忙為兄弟謀福利:「呢款鞋都有好多隻顏色,我就問品牌可唔可以每款都比一對我,我要送晒比身邊嘅兄弟,當係新年禮物囉!又或者過年前比晒佢地,過年有新鞋著,襯番個隊型出嚟。其實新年都係開工,都唔敢周圍去住,如果攞到幾日假,想好好休息吓,諗吓有咩音樂靈感,來年從新出發。」

宇宙天團BTS亦係品牌嘅韓國代言人。
宇宙天團BTS亦係品牌嘅韓國代言人。
最新一輯廣告相。
最新一輯廣告相。

最新回應

關鍵字

相關新聞

熱門文章