當年移民加國同老婆險離婚 白彪留羊咩鬚改運攞埋男配獎

2021-01-30 16:41
白彪說前三年沒工開,就試留羊咩鬚改運,即獲演《愛.回家》雷公角色,今年更拎獎。
白彪說前三年沒工開,就試留羊咩鬚改運,即獲演《愛.回家》雷公角色,今年更拎獎。

74歲白彪憑《香港愛情故事》獲萬千星輝頒獎禮「最佳男配角」,入行52年的他,於90年代移民加拿大後,也跟劇中人一樣同老婆嗌交嗌到離婚。他說:「當時冇乜戲拍,心情麻麻,兩公婆嗌交嘅時候又會口不擇言,我同老婆講咗一句『咁多樣嘢你識乜吖!』原來傷害咗佢,佢就記住喇!有一次我好衰,嗌到㷫起掟咗個花樽落牆度,仲掟穿咗個窿,為呢件事老婆要同我離婚,紙都差不多簽埋,好彩後來大家冷靜,老婆回心轉意……嗰個窿3個月都冇人理,我第一件事親手去補返個窿,連隨就補返埋段情!」
白彪稱兩公婆一定有拗撬,只要體諒,各自退一步,最重要勿提離婚兩個字。雖然現在跟老婆分隔兩地,但互相信任,老婆還讚他的戲好看。他說疫下一對龍鳳胎孫兒誕生,老婆也有回港探孖孫,但8月已返加拿大,因為一對孖孫在港不足月出世,他眼見就像兩堆麵粉仔,又因疫情關係他及家人均未能到醫院探望,只能靠護士上傳照片,實在擔心到不得了。幸好乖孫們現已學行,才放下心頭大石,為此感到開心。

白彪說前三年沒工開,就試留羊咩鬚改運,即獲演《愛.回家》雷公角色,今年更拎獎。
白彪說前三年沒工開,就試留羊咩鬚改運,即獲演《愛.回家》雷公角色,今年更拎獎。
白彪去年喜獲龍鳳胎孖孫,笑言帶挈爺爺得獎。
白彪去年喜獲龍鳳胎孖孫,笑言帶挈爺爺得獎。

這位第一代郭靖至今難忘當年被金庸公開稱讚,因為夠戇居演郭靖最適合,白彪對其郭靖演藝路亦甚回味:「1995年喺無綫拍《神雕俠侶》拍住古天樂、李若彤,我第3次做郭靖駕輕就熟,喺大陸非常紅,四處登台,愈偏僻愈紅,個個都好崇拜我。當年古天樂青靚白淨,成個白面書生咁,嘩!好好記性,好專業,演得好自然,武打同動作都OK,古仔行出來成個楊過咁。當年我睇佢眉目氣質,睇出佢非池中物,佢演古惑仔、談情說愛、喜劇樣樣掂……佢晒黑咗仲好,個人sharp咗,男人味出晒嚟,改咗膚色,唔知點解啲運即刻到!」
白彪以自己為例,前三年沒太多工作,就試留羊咩鬚改運,即獲派演《愛.回家之開心速遞》雷公角色,然後有對龍鳳胎孖孫給他帶來好運獲獎。白彪又點評後輩,對林淑敏及羅天宇加以讚許:「 我最欣賞大小姐林淑敏,佢做戲好流暢,每 一個動作、表情,我都好欣賞!羅天宇性格戇戇直直又內向,外型都似郭靖,如為郭靖選角,佢嘅演繹方法都有八、九成似。」

白彪與米雪為第一代郭靖與黃蓉。
白彪與米雪為第一代郭靖與黃蓉。
白彪看好當年青靚白淨演楊過的古天樂,晒黑後更不得了。
白彪看好當年青靚白淨演楊過的古天樂,晒黑後更不得了。

大小姐演技獲讚許。
大小姐演技獲讚許。
羅天宇性格戇戇直直又內向,外型都似郭靖。
羅天宇性格戇戇直直又內向,外型都似郭靖。

最新回應

關鍵字

相關新聞

熱門文章