【維港會】男童港鐵踩座位打橫瞓 港媽掛住撳電話懶理兒子

2021-01-29 14:45
有網民目賭一名男童於港鐵車廂內打橫瞓、腳踩座位,但媽媽毫不理會。「生仔要考牌系列」FB專頁圖片
有網民目賭一名男童於港鐵車廂內打橫瞓、腳踩座位,但媽媽毫不理會。「生仔要考牌系列」FB專頁圖片

本港疫情持續,不少家長出門都做足消毒,擔心孩子染疫。不過日前有網民發文,指於港鐵上目睹一名男童霸佔住兩個座位,更不斷腳踩座位,又用力踢港鐵的扶手,旁邊的媽媽卻只顧玩電話完全無視男童的舉動,只得工人姐姐幫忙勸阻。網民直斥完全沒有衛生意識。

該名網民在FB專頁「生仔要考牌系列」投稿,表示於銅鑼灣乘搭港鐵時已經聽到男童不停地叫囂,而旁邊的工人姐姐亦有勸籲男童不要胡鬧,相反媽媽可能要照顧弟弟的原故,所以只「話了兩句」便了事。

網民指,到北角站時他們一家人終於坐下來,不過卻分開坐,而男童亦繼續於車廂內胡鬧,「哥哥就開始瞓晒兩張櫈,話好攰,之後仲將隻腳放晒落張櫈度,當正自己屋企張梳化。佢得閒踩兩下張櫈,又得閒瞓住咁踢下個扶手」。網民指旁邊工人姐姐雖不斷制止他,但男童毫不理會,仍然故我。而網民指媽媽「係無理到佢做緊乜,一直抱著細佬撳電話」。

網民直斥媽媽沒有好好管教兒子,「可能佢媽媽覺得有工人,而且自己要照顧細佬,所以唔得閒分心。但我見到嘅,係佢好忙咁係咁撳電話,又或者佢幾百萬上落,我唔知。但都唔係老奉咁款,唔講我以為佢哋係兩家人」,同時又批評他們一家人沒有衛生意識,「大家都知鞋底係好多細菌,咁樣俾佢踩下張櫈,下一手又唔知就坐落去,就真係多得佢唔少」。

帖文一出便引起網民熱議,不少網民都留言批評,「啲老母一直以為有姐姐係到就大過天」、「阿媽都唔理佢,佢又點會聽工人講啊」。

關鍵字

最新回應

關鍵字

相關新聞

熱門文章