【維港會】網民稱不欲租樓給少數族裔惹爭議

第四波疫情中部分確診者是少數族裔，尤其是居住油尖旺區的劏房的基層市民，引發社會上部分市民對少數族裔的猜疑。有網民在網上討論區「親子王國」發文，稱近日有月租1萬多元的3房住宅放租，有經紀致電查詢，「但有幾位最尾都怯怯地咁問：會唔會考慮租畀有色人士」。網民於是問「你地有無試過租畀啲咩租客，又試過有咩後果嗎？好奇點解agent們都咁隱晦講租客國籍」。

一些網民表明抗拒少數族裔，「有味係其次，唔係歧視，有色人種比較喜歡熱鬧，分分鐘你一間屋住到幾家人，佢哋啲小朋友又比較自由奔放，間屋收返時如果你預咗會大執應該都冇問題」有人說，「情願租比內地人，一定唔會租畀比有色人士，準時交租都咁話，收樓一定好震撼」

有過來人就指，「試過怕怕！以後不會再租比（少數族裔）。未問過業主將間屋油到藍藍緑緑，幾家人住好污糟。收返要大執，兩年租金白做」、「之前租客係賣鑽石嘅， 1家5口，諗住應該正正常常，佢哋三個小朋友好曳，會喺屋裏踢波，搞到牆身污糟晒，地腳線爛晒。玻璃窗都應該爛過佢哋自己換返，樓下向管理處投訴我先知道有依個問題，仲有真係會有曱甴，陣香料味成間屋都係」、「我家人都有試過，結果係開始時4人家庭，後來變咗4個家庭，啲細路經常大力閂門，玩到連廚房抽氣扇都整咗落嚟，後來遲交租，遲吓遲吓呃左一個月無交，走時仲偷走石油氣爐」。

雖然帖文以負面居多，但有人則認為，「其實唔好一竹篙打一船人，有啲（少數族裔）租客係好好」、「工作接觸南亞，父母都努力工作，間屋算企理」、「唔係歧視，以前住過，同層有一家人，真係成層樓都好重咖喱味，但其他就無咩問題，都好nice」。

社會上瀰漫對少數族裔不信任，令平機會主席朱敏健近日撰文表示，新冠病毒這個無形敵人，令人感到無助，很容易會把責備和憤怒的矛頭，指向代罪羔羊。國內人士在疫情爆發初期，成為眾矢之的，後來是跳舞群組人士和外籍家庭傭工遭到針對，及至近日矛頭則指向油尖旺區的少數族裔群體。

如果將他們污名化、標籤和指責整個階層或群體，並不公平，市民應謹記確診者只是一小撮人，將他們概括和以偏蓋全，作一個大群體而論，不單是錯誤，更是危險的誤導，只會加深社會鴻溝和加劇矛盾，對抗疫工作毫無建設性作用。