星島日報

【維港會】為追仔家嘈屋閉WFH照返公司 老闆講7年前經歷令港爸開竅

2021-01-18 15:18
有網民指一名港爸同事為「追仔」而經常跟老婆吵架。資料圖片(示意圖)
有網民指一名港爸同事為「追仔」而經常跟老婆吵架。資料圖片(示意圖)

生兒育女一點已不簡單!一位網民向社交媒體Facebook專頁「辦公室日報」投稿,表示有一位爸爸級同事,即使老闆講明在家工作,仍堅持要回公司工作,之後才知道原來一切都是為了避老婆!

他表示這位港爸本已育有一名女兒,但因為他是家中的「長子嫡孫」,家人希望他「追仔」,港爸也有此願望,不過因為老婆不肯再生,兩公婆為了這件事家嘈屋閉,更由第一波新冠肺炎疫情嘈到現在第四波。

即使同事如何勸喻,但對這位堅持想要兒子的港爸來說似乎沒有幫助,依舊在「在家工作」的日子返回公司上班,繼續返9點至6點;直到一天,公司老闆回公司拿東西後,港爸就從此沒在在家工作期間到公司上班。

最近公司轉返AB更,樓主某次在公司樓下大堂遇到老闆,於是問他當日如何讓港爸同事不再在公司工作。老闆分享說7年前也成為了爸爸,當時老婆有輕微產前抑鬱、經常發脾氣,所以很擔心她,「老婆嘔,我都唔想食嘢,一直陪佢;老婆去檢查,我全日唔返工陪佢,生意都甩咗幾單;入產房我唔敢,留喺出面等,幻想過老婆會唔會母子平安,如果唔平安,我寧願唔要BB都想老婆健健康康。」

幸好最後母女平安,但老闆深深體會到生兒育女一點也不簡單,「嗰陣老婆餵人奶,我每次都唔會自己瞓,一定起身陪佢,一晚幾次,每次再瞓番都唔超過3個鐘,阿女賴屎賴尿,沖涼氹瞓覺,我全部落手落腳參與,驚老婆太辛苦,驚完佢產前抑鬱,又驚佢產後抑鬱。」

直到女兒上幼稚園,又要擔心另一個階段的問題,「唔好話我老婆要懷胎十月又暈又嘔咁生個BB出嚟,作為男人企喺側邊都覺得好辛苦好攰,做到我咁都唔夠膽叫老婆生第二個,你為咗追個仔走去迫老婆生?仲有呢種諗法真係冇嘢好講。」

樓主忍不住大讚老闆對老婆照顧有加,更令港爸同事開竅,怎料老闆卻搖搖頭表示:「我先冇咁偉大,全部同事返嚟又係開晒公司啲燈,一個同事返嚟又係開晒啲燈,電費唔使錢呀?我仲有個女要養㗎,諗唔通就自己去自修室做嘢啦!返office搞搞震!」

網民看完帖文後,紛紛大讚老闆是好爸爸及好老公,「佢咁設身處地咁喺老婆方面為老婆諗,佢真係Real man」,也有人認為港爸同事不應當老婆是生仔機器,「為咗追個仔講唔掂就屋企都唔返,萬一應承咗生多個但都係女仲得了?」、「多數想追多個的男人都係無點湊過的男人。」

最新回應

關鍵字

相關新聞

熱門文章