【維港會】食米線食到一半驚見煙頭 網民嬲到震:報咗食環

2021-01-09 13:23
近日有網民外賣米線回家,打開食到一半後竟發現裡面有煙頭。「中伏飲食報料區」Facebook圖片
近日有網民外賣米線回家,打開食到一半後竟發現裡面有煙頭。「中伏飲食報料區」Facebook圖片

出街買嘢食最怕被「加料」,近日有網民外賣米線回家,打開食到一半後竟發現裡面有煙頭,令她嬲到震,更表示已經「報咗食環」!

一名女網民在社交媒體Facebook群組「中伏飲食報料區」上載圖片,指自己近日在香港仔一間餐廳點了麻辣鮮魚片米線外賣,怎料回家食到一半的時候,竟在該碗米線中發現煙頭,自己亦已「咬左(咗)啖」。

樓主感到非常嘔心,於是立刻致電餐廳投訴及要求退錢,但餐廳竟劈頭一句表示「廚房冇人食煙」。她之後「越諗越嬲」,因此「報左(咗)食環」,她亦表示「下次唔會再幫襯」。

帖文引來大批網民討論,大部分都表示支持樓主向食環署舉報,有人則相當擔心樓主的健康,「如果佢有肺炎點算 即刻叫佢賠錢做身體檢查」、「口水好多傳染(物)架」、「退錢冇意思,麻煩樓主叫舖頭賠錢俾你,去檢測三次先」。

另外,亦有不少網民聲稱,該間餐廳的衞生質素原來一直欠佳,「上次我隻佬食咗佢個擔擔麵,痾咗幾次差啲脫水啊陰公」、「上次叫外賣 碟菜有小強」、「見過門口飽(包)點師傅食煙,不再幫襯!」

關鍵字

最新回應

關鍵字

相關新聞

熱門文章