星島日報

【維港會】預約剪髮一句激嬲髮型師 港男感委屈:我無貶低佢嘅意思

2021-01-18 11:41
有網民近日預約了髮型屋剪髮,怎料開口第一句便不小心激嬲了髮型師,令他感到難堪。unsplash圖片
有網民近日預約了髮型屋剪髮,怎料開口第一句便不小心激嬲了髮型師,令他感到難堪。unsplash圖片

正所謂「說者無心,聽者有意」,有時候一句無心之言,不同人聽起來可能都會有分別。有網民近日預約了髮型屋剪髮,怎料開口第一句便不小心激嬲了髮型師,令他感到難堪,遂問一眾網民「我咁講其實係唔係真係好無禮貌?定係個髮型師敏感?」

一名港男近日在討論區「連登」發文,指自己日前預約了下午3點在某間髮型屋剪髮,他2點45分便到達,並在店外看到他預約的髮型師,於是便上前有禮貌地打招呼:「Hello呀,我今日book咗你3點。」怎料,該名髮型師聽後卻突然相當躁地說:「我唔係貨品啊,唔好用個book字啊」,令他頗為尷尬,「我真係冇貶低佢嘅意思,估唔到佢會嬲咗......」、「無諗過佢咁介意呢啲字眼」。

樓主之後又補充,自己當時是「笑住有禮貌咁講」,並無態度欠佳,也幸好對方尚算專業,事後並無亂剪他的頭髮。不過經此一事,樓主都表示不會再幫襯,亦指自己以後會多加注意措辭,「我下次都唔會再搵佢,畀佢咁講我都唔係幾開心......唉,所以講嘢真係要好小心,我自問平時講嘢都極少得罪人」,他亦不禁詢問一眾網民,到底是自己太沒禮貌,還是該名髮型師過於敏感。

事件惹起網上熱議,有網民認為該名髮型師很有問題及過分敏感,「佢似有啲脾氣」、「太有性格」、「懶係好有風格個啲」、「以為自己係藝術家」,不過亦有網民指出樓主一開始的「打招呼」方式容易引起誤會或令人不快,建議樓主下次改為說「make咗你appointment(預約了你)」、「我book咗三點剪頭髮」。

最新回應

關鍵字

相關新聞

熱門文章