【維港會】趁妻行開與外傭親熱 老翁當眾隔口罩「咀嘴」震驚網民

不少家庭都會請外傭照顧長者，不過近日就有網民目睹震驚一幕，一對老夫婦和外傭三人出行，老翁趁妻子行開時，竟和外傭隔口罩「咀嘴」，令網民大吃一驚。

網民在「親子王國」討論區上發文，指在藍田啟田商場行落地鐵站，在搭電梯時見到其中有一對老夫婦加一個工人姐姐一齊行。妻子落電梯後和老翁說要入惠康，老翁就稱自己「行先」。不過網民緊接著就見到老翁在一間餐廳門口，和工人姐姐講了幾句説話後，竟和工人姐姐隔住口罩，「互相錫咗一啖咀位置」，「之後個男人就入咗閘，個工人姐姐冇入閘，同佢拜拜」。

大批網民震驚，有人批評老翁，亦有人抽水「會唔會入惠康個位先係工人？」更有網民分享類似經歷，「又係媽媽嘅朋友，佢朋友屋企算幾有錢嘅......有日同個菲姐姐搞埋咗，最後結埋婚」、「老婆抱住BB行先，老公跟住佢，老公隻手喺後面拖住個工人」。