【找唔到數】失落視帝頻遭網民催婚 湯洛雯病咗馬國明隔空傳情
2021-01-12 14:00 
46歲馬國明（馬明）與33歲湯洛雯（靚湯）去年公開戀情後，一直愛得高調，經常在社交平台甜蜜放閃，更不時傳出婚訊。早前靚湯揚言如果今年馬明贏得視帝就結婚，可惜最終馬明失落視帝，未能兌現承諾，令好多粉絲都好失望！
昨日靚湯於IG上載一張造型照，留言：「又一年了！下年繼續努力！」而男友馬明留下「心心眼」及「手瓜起腱」emoji，以示支持女友。看到二人的甜蜜互動，不少網民都加入留言催婚：「其實入咗五強計唔計啊？」、「馬明係我心目中已係視帝，可以結婚，恭喜」、「加油，撐妳，2021希望妳同馬明結婚」等。
及後在今日凌晨，靚湯再於IG Story分享一張睡眼惺忪的「牀照」，並留言：「呢排有啲凍親，所以要早啲瞓，大家都早睡早起啦，身體健康最緊要。」女友唔舒服，相信馬明都好心痛，所以今朝他於IG岀Po：「Take Care.」又提醒要記得戴口罩，隔空向靚湯傳情，認真Sweet爆！
關鍵字
最新回應