為賴慰玲攞女配興奮到死 何雁詩：跪求TVB畀女主角佢做
2021-01-12 15:00 
賴慰玲在前晚舉行的《萬千星輝頒獎典禮2020》上，憑劇集《反黑路人甲》奪得「最佳女配角」時，其好姊妹何雁詩即衝上前擁賀對方，見好姊妹獲獎，仲興奮過自己攞獎。何雁詩於今日凌晨再於社交網貼出與賴慰玲在頒獎禮上的合照，並留言：「由你第一日知道自己有提名，我興奮到死，你同我講，唔會俾（畀）我啦，無可能。果（嗰）一刻我明白你心理，我地（哋）控制唔到嘅事情，都唔想再俾（畀）無謂嘅壓力你。尋（噚）晚諗起又想喊，你一直係我地（哋）SÏXTERS大姐姐，所有事情你分析後都變得簡單。昨晚你的感言，真誠，霸氣，同你平時性格一樣。我欣賞你，你inspire到好多有夢想的人，捱，係需要；但係肯捱肯努力，總會有成就。我愛你。」
照片中何雁詩從後貼着賴慰玲，細心留意的話，何雁詩手肘的蝴蝶結絲帶更纏在賴慰玲的左手。最後，何雁詩在Hashtag向TVB作出請求，她寫道：「跪求TVB俾（畀）女主角佢（賴慰玲）做。」果然係好姊妹！賴慰玲昨日亦在社交平台預告：「還有很多moment想分享，等我。」相信呢位新鮮出爐的最佳女配角一定有好多心底話。
關鍵字
最新回應