星島日報

【獨家】提名視后逾十次攞獎隨緣 黃智雯有男友鼓勵踢走負能量

2021-01-09 04:54
黃智雯有男友鼓勵,踢走負能,能否榮升視后都係咁開心。
黃智雯有男友鼓勵,踢走負能,能否榮升視后都係咁開心。

TVB嘅台慶頒獎禮將於周日(10/1)舉行,黃智雯(Mandy)憑《使徒行者3》中患有亞氏保加症及學者症候群嘅Madam G角逐「最佳女主角」,與龔嘉欣及蔡思貝爭奪首個視后獎座,雖然有信心,但Mandy坦言心態上要作出調整,好彩相戀8年嘅男友詹文天(Anthony)早已成為她心靈治療師,令她入行13年都保持到良好心理質素。採訪:方騫平 化妝:Zoe Fan 髮型:Jay Cheung 場地:Hair Festival Walk

黃智雯有男友鼓勵,踢走負能,能否榮升視后都係咁開心。
黃智雯有男友鼓勵,踢走負能,能否榮升視后都係咁開心。
黃智雯對視后抱平常心 ,邊個攞都冇所謂。
黃智雯對視后抱平常心 ,邊個攞都冇所謂。

黃智雯在《使徒行者3》中的角色相當考演技,尤其知道家姐(康華飾)一直協助大奸人馬國明時,她變得唔出聲嚟封閉自己,網民大讚她演技拿捏得好好。

黃智雯指最大對手係自己,而李施嬅及龔嘉欣等都有好大進步。
黃智雯指最大對手係自己,而李施嬅及龔嘉欣等都有好大進步。
黃智雯喺《使者3》入面有好多內心戲發揮。
黃智雯喺《使者3》入面有好多內心戲發揮。

坦言需要關懷
兩年前黃智雯於《三個女人一個「因」》中演人格分裂嘅「方以因」被選為「民間視后」,可惜TVB「最佳女主角」獎就擦身而過,輸咗畀《BB來了》的李佳芯。入行以嚟提名視后逾十次,今次係咪好大機會「跑出」?Mandy即說:「隨緣,今年幾套作品《使徒3》、《十八年後的終極告白》、《降魔的2.0》角色都好唔同,反正演員功課交咗,已經唔使諗後面嘅事,經歷過同獎項(視后)好近,真係要喺心態上作出適當嘅調整,學插花及陶瓷都幫到手。」而男友亦幫咗佢唔少,「佢會用另類方法安慰我,見我諗唔通唔開心就會鼓勵我,我係好需要關懷,而佢諗嘢比較理性,作為藝人係要長跑,心理質素好重要,多年嚟佢幫到我管理情緒,重整負面心情,其實一個人面對失敗真係唔容易,但人永遠唔會停留喺高峯,跌過先知道喺高峯時嘅快樂,跌到谷底先有力量彈返起身。」

黃智雯同男友詹文天拍拖8年,雖然未打算結婚,但價值觀相近,好珍惜對方。
黃智雯同男友詹文天拍拖8年,雖然未打算結婚,但價值觀相近,好珍惜對方。
學陶瓷都有助洗滌心靈。
學陶瓷都有助洗滌心靈。
黃智雯學插花嚟陶冶性情。
黃智雯學插花嚟陶冶性情。
黃智雯憑《三個女人一個「因」》曾奪取星馬雙視后,胡說八道好姊妹李施嬅、姚子羚等吻賀她。
黃智雯憑《三個女人一個「因」》曾奪取星馬雙視后,胡說八道好姊妹李施嬅、姚子羚等吻賀她。

最新回應

關鍵字

相關新聞

熱門文章