【獨家】睇好嘉欣攞視后賴慰玲拎女配 黎耀祥期待四奪視帝

2021-01-08 00:15
黎耀祥憑《殺手》「閻武」再角逐視帝,賴慰玲力撐祥仔四奪視帝。
黎耀祥憑《殺手》「閻武」再角逐視帝,賴慰玲力撐祥仔四奪視帝。

拍劇34年嘅黎耀祥眼光獨到,去年喺台慶頒獎禮前夕接受《頭條日報》訪問時,貼中晒視帝馬國明及視后惠英紅,今年他憑《殺手》「閻武」再角逐視帝,問到第四次封帝成數時?祥仔笑說只有五五波,同《踩過界II》王浩信有得揮!取決係評審同觀眾口味,他拉票說:「我賣點係除衫同埋拍打戲,畀到小小驚喜觀眾囉!」採訪:方騫平 攝影:張詠森


黎耀祥憑《殺手》「閻武」再角逐視帝,賴慰玲力撐祥仔四奪視帝。
黎耀祥憑《殺手》「閻武」再角逐視帝,賴慰玲力撐祥仔四奪視帝。
黎耀祥同賴慰玲拍新劇《拳王》外景,祥仔睇好賴慰玲拎女配,大讚她融入到角色。
黎耀祥同賴慰玲拍新劇《拳王》外景,祥仔睇好賴慰玲拎女配,大讚她融入到角色。

黎耀祥同TVB只係合約演員關係,但落力程度同「親生仔」冇分別,最近為拍新劇《拳王》一場打擂台戲操到8塊腹肌,身形較《殺手》的鋼條身形更Fit。日前祥仔跟朱敏瀚及賴慰玲拍一場街景戲,原來賴慰玲好怕祥仔,形容成個行頭最驚係佢,感覺佢眼神可以睇穿一個人,賴慰玲笑說:「以前望住佢拍《財神駕到》驚到震,𠵱家叫做招架得住,不過,喺佢身上學會不斷求進步。」

祥仔同朱敏瀚拍外景,疫情下大家都注意個人衛生,工作以外保持距離。
祥仔同朱敏瀚拍外景,疫情下大家都注意個人衛生,工作以外保持距離。
祥仔雖然有多年拍戲經驗,但一樣好用心咪劇本,唔會靠打天才波。
祥仔雖然有多年拍戲經驗,但一樣好用心咪劇本,唔會靠打天才波。

貼徐榮奪男配
黎耀祥就話睇好賴慰玲憑《反黑路人甲》攞到女配,賴慰玲嚇到口震震回應:「有前輩賞識,真係好過攞獎,獎項呢啲預計唔到,平常心。」至於56歲祥哥咁落力拍《殺手》及《拳王》,TVB係咪要畀返個獎嚟鼓勵吓?他笑說:「咁又唔使,有咁好劇作,自己都有滿足感嘅,當然都恨有獎,因為獎項係個鼓勵。事實上我同龔嘉欣喺《殺手》都幾突出,嘉欣都好大機會勇奪視后,因為公司入面,唔係有太多女藝人咁搏同埋咁打得。至於王浩信盲俠個角色幾得意,而觀眾會睇埋佢整體拍劇嘅表現,佢喺《反黑路人甲》都唔錯。至於男配以徐榮《反黑路人甲》睇高一線,他演得比朱敏瀚放。」

拍《拳王》係咁操練,56歲嘅祥仔仍操到拳手身形,好勁。
拍《拳王》係咁操練,56歲嘅祥仔仍操到拳手身形,好勁。
喺《殺手》中,黎耀祥操到鋼條身形,絕對係爭視帝嘅賣點。
喺《殺手》中,黎耀祥操到鋼條身形,絕對係爭視帝嘅賣點。
黎耀祥同龔嘉欣喺《殺手》入面付出唔少血汗。
黎耀祥同龔嘉欣喺《殺手》入面付出唔少血汗。
祥仔憑《大太監》喺9年前第三次攞視帝,同年視后係楊怡。
祥仔憑《大太監》喺9年前第三次攞視帝,同年視后係楊怡。
如果祥仔再奪視帝,就刷新四視帝新紀錄,比郭晉安及羅嘉良更威。
如果祥仔再奪視帝,就刷新四視帝新紀錄,比郭晉安及羅嘉良更威。
眼光獨到黎耀祥去年貼中晒視帝馬國明及視后惠英紅。
眼光獨到黎耀祥去年貼中晒視帝馬國明及視后惠英紅。
關鍵字

最新回應

關鍵字

相關新聞

熱門文章