【独家】提名视后逾十次攞奖随缘 黄智雯有男友鼓励踢走负能量

TVB嘅台庆颁奖礼将于周日(10/1)举行，黄智雯（Mandy）凭《使徒行者3》中患有亚氏保加症及学者症候群嘅Madam G角逐「最佳女主角」，与龚嘉欣及蔡思贝争夺首个视后奖座，虽然有信心，但Mandy坦言心态上要作出调整，好彩相恋8年嘅男友詹文天（Anthony）早已成为她心灵治疗师，令她入行13年都保持到良好心理质素。采访：方骞平 化妆：Zoe Fan 发型：Jay Cheung 场地：Hair Festival Walk

黄智雯在《使徒行者3》中的角色相当考演技，尤其知道家姐（康华饰）一直协助大奸人马国明时，她变得唔出声嚟封闭自己，网民大赞她演技拿捏得好好。

坦言需要关怀
两年前黄智雯于《三个女人一个「因」》中演人格分裂嘅「方以因」被选为「民间视后」，可惜TVB「最佳女主角」奖就擦身而过，输咗畀《BB来了》的李佳芯。入行以嚟提名视后逾十次，今次系咪好大机会「跑出」？Mandy即说：「随缘，今年几套作品《使徒3》、《十八年后的终极告白》、《降魔的2.0》角色都好唔同，反正演员功课交咗，已经唔使谂后面嘅事，经历过同奖项(视后)好近，真系要喺心态上作出适当嘅调整，学插花及陶瓷都帮到手。」而男友亦帮咗佢唔少，「佢会用另类方法安慰我，见我谂唔通唔开心就会鼓励我，我系好需要关怀，而佢谂嘢比较理性，作为艺人系要长跑，心理质素好重要，多年嚟佢帮到我管理情绪，重整负面心情，其实一个人面对失败真系唔容易，但人永远唔会停留喺高峯，跌过先知道喺高峯时嘅快乐，跌到谷底先有力量弹返起身。」