星島日報

【韓星齊玩雪】防彈RM同雪鴨組「DTS」 Jennie 瑟琪雪中興奮彈彈跳

2021-01-07 16:00
韓國近日天氣寒冷,一班韓星趁溶雪之前玩餐飽。
韓國近日天氣寒冷,一班韓星趁溶雪之前玩餐飽。

韓國近日天氣寒冷,今日首爾的最低氣溫更只得零下19度,凍到打冷震之餘仲要落大雪!雖然香港冇機會見到落雪景象,疫情下亦冇辦法出國感受落雪,不過睇住一班韓星玩雪玩得咁開心,惟有睇咗當去咗啦。

韓國近日天氣寒冷,一班韓星趁溶雪之前玩餐飽。
韓國近日天氣寒冷,一班韓星趁溶雪之前玩餐飽。
防彈少年團隊長RM用工具整咗7隻鴨仔。
防彈少年團隊長RM用工具整咗7隻鴨仔。

[email protected]防彈少年團
防彈少年團隊長RM雖然冇Post出自己嘅相同片,不過一啲都唔輸蝕,佢用雪整咗7隻工整嘅鴨仔,再一字排開。RM更留言指鴨仔們係「DTS」,即係鴨仔版嘅防彈少年團,連玩雪都慣住一班隊友,呢位隊長真係好Warm呀。

Jessica
少女時代出身嘅Solo歌手Jessica Post出身處瑞士嘅舊相,藍天白雲加埋雪山景真係無敵。Jessica搞笑表示好掛住《魔雪奇緣》嘅雪人Olaf,更在限時動態用一張Olaf嘅GIF圖就話對方「嚟咗」,有睇完相當自己去咗旅行嘅Feel喎。

[email protected]
BLACKPINK嘅Jennie喺一片好厚嘅雪地上影相,頭頂有飄雪好浪漫,唔知佢係咪搵到隱世雪地呢,竟然只得Jennie留下嘅幾個足印!平時喺舞台上夠晒霸氣同Cool嘅Jennie,見到落雪都開心到彈吓彈吓,反差夠晒可愛。

鴨仔們一字排開,好有隊形。
鴨仔們一字排開,好有隊形。
7隻鴨仔名為「DTS」,係防彈少年團(BTS)鴨仔版。
7隻鴨仔名為「DTS」,係防彈少年團(BTS)鴨仔版。

瑟琪@Red Velvet
同舞台上好大反差嘅仲有Red Velvet嘅瑟琪,佢都忍唔住喺雪地彈吓彈吓,仲開心到轉咗個圈,除此之外佢仲影到一張雪花大大片飛落嚟嘅靚相。貼心嘅瑟琪更留言提醒大家小心雪地,人靚心更靚。

姜丹尼爾
限定男團Wanna One出身嘅Solo歌手姜丹尼爾就拍咗個小小嘅Vlog。佢先表示外面落大雪,鏡頭一轉姜丹尼爾已經換好禦寒衣物,親身上陣話要教大家整雪天使喎!原來大字形瞓喺地下再不斷郁動手腳就可以整到,Cute到呢。

輝人@MAMAMOO
唔知韓國係咪除咗堆雪人都流行堆雪鴨呢,無獨有偶MAMAMOO嘅輝人都整咗好多鴨仔,仲排滿一整條欄杆!鴨仔嘅Size十分迷你,只有手心咁大,成功將所有鴨仔放上欄杆之後,輝人同朋友開心到係咁歡呼,好搞笑。

Jessica發布身處瑞士嘅舊相,有藍天白雲加埋雪山景。
Jessica發布身處瑞士嘅舊相,有藍天白雲加埋雪山景。
Jessica在限時動態用一張《魔雪奇緣》雪人Olaf嘅GIF圖就話對方「嚟咗」。
Jessica在限時動態用一張《魔雪奇緣》雪人Olaf嘅GIF圖就話對方「嚟咗」。
女團BLACKPINK成員Jennie見到落雪開心到彈吓彈吓,好反差。
女團BLACKPINK成員Jennie見到落雪開心到彈吓彈吓,好反差。
女團Red Velvet成員瑟琪Chok住同雪影相。
女團Red Velvet成員瑟琪Chok住同雪影相。
姜丹尼爾教粉絲整雪天使。
姜丹尼爾教粉絲整雪天使。
姜丹尼爾人型天使!
姜丹尼爾人型天使!
女團MAMAMOO成員輝人都係整鴨仔。
女團MAMAMOO成員輝人都係整鴨仔。
鴨仔嘅Size十分迷你,只有手心咁大。
鴨仔嘅Size十分迷你,只有手心咁大。
輝人將鴨仔排滿欄杆。
輝人將鴨仔排滿欄杆。
RM同輝人都有用呢款鴨仔模工具整雪鴨㗎。
RM同輝人都有用呢款鴨仔模工具整雪鴨㗎。

最新回應

關鍵字

熱門文章