【獨家】去年9個月零收入好難捱 RubberBand出新歌為香港人打氣

2021-01-05 23:06
阿偉、泥鯭、6號就算幾咁艱難都唔會放棄做音樂,因為可以為困頓嘅人心帶嚟點點力量。隊友阿正因湊女缺席訪問。
阿偉、泥鯭、6號就算幾咁艱難都唔會放棄做音樂,因為可以為困頓嘅人心帶嚟點點力量。隊友阿正因湊女缺席訪問。

由主音6號(繆浩昌)、結他手阿正(馮庭正)、低音結他手阿偉(李兆偉)及鼓手泥鯭(黎萬宏)組成的樂隊RubberBand(RB)奪走商台「叱咤樂壇我最喜愛的組合」及「叱咤樂壇組合」銀獎,對於落重本,啱啱推出第9張全新專輯《i》嘅RB來說,係一個重大鼓勵,泥鯭說:「新歌係為自己,為香港人打氣,有幸觀眾能夠得到共鳴,畀到能量我哋繼續做落去。」採訪:方騫平

阿偉、泥鯭、6號就算幾咁艱難都唔會放棄做音樂,因為可以為困頓嘅人心帶嚟點點力量。隊友阿正因湊女缺席訪問。
阿偉、泥鯭、6號就算幾咁艱難都唔會放棄做音樂,因為可以為困頓嘅人心帶嚟點點力量。隊友阿正因湊女缺席訪問。
RB成為商台「叱咤樂壇我最喜愛的組合」,得獎實至名歸。
RB成為商台「叱咤樂壇我最喜愛的組合」,得獎實至名歸。

RB新碟《i》收錄喺前年社運期間寫嘅《漫長》、《醒未》、《百毒不侵》及點題正能量歌《每道微小》等,6號說:「由19年至20年我哋嘅城市同以前唔同咗,社會運動同埋疫情都令我哋要重新思考返,『一個個體喺一個社會、一個城市、一個地球裏面,究竟可以擔當一個咩角色呢?』如果成隻碟由頭聽到尾,彷彿返去某啲時代咁,今次係時代推住我哋去做記錄。」

RB在叱咤台上的表演令觀眾非常感動。
RB在叱咤台上的表演令觀眾非常感動。
RB與「叱咤樂壇組合」金獎及銅獎的Dear Jane及MIRROR合照。
RB與「叱咤樂壇組合」金獎及銅獎的Dear Jane及MIRROR合照。

一點燭光的力量
原先四子打算去年3月出碟,然後再開Show,點知受疫情影響,計劃趕不上預期,唱片一拖再拖至年尾,最後只能喺12月12日開到一場線上音樂會。去年1月至9月都係零工作零收入,過得相當艱難,不過,泥鯭及隊友做音樂信念不變:「如果大世界唔可以再創作,我哋咪搵第二條出路囉,有空間會堅持落去。」阿偉和應話,就算冇錢賺都會做。至於核心歌《每道微小》講每個人好渺小,其實可以好偉大,就算一點燭光都可以發到好大,泥鯭希望鼓勵大家,喺困難時間都要相信自己。

傳好朋友黃心穎被TVB解約,問到會否將歌送畀佢打氣?泥鯭即避談,大耍太極說:「呢首歌係鼓勵身邊隊友先,尤其近兩年大家都有無力感,但原來每個人出一分力會影響到個世界。」在旁6號即搞笑說:「咁ViuTV簽佢囉!」

RB跟我最喜愛的男女歌手姜濤及林二汶合照。
RB跟我最喜愛的男女歌手姜濤及林二汶合照。
RB喺疫情下只能開到線上音樂會,四子跟唱片監製雷柏熹合照。
RB喺疫情下只能開到線上音樂會,四子跟唱片監製雷柏熹合照。
線上音樂會舉行期間,雖然團隊保持社交距離,但圍成一個圓形後,大家交流更多。
線上音樂會舉行期間,雖然團隊保持社交距離,但圍成一個圓形後,大家交流更多。
原先去年11月RB跟林二汶喺麥花臣球場開騷,可惜最後受疫情影響取消。
原先去年11月RB跟林二汶喺麥花臣球場開騷,可惜最後受疫情影響取消。
阿正同太太尚羚剛榮升父母,為湊B冇現身訪問亦冇出席頒獎禮。
阿正同太太尚羚剛榮升父母,為湊B冇現身訪問亦冇出席頒獎禮。
關鍵字

最新回應

關鍵字

相關新聞

熱門文章