【獨家】網民熱捧 叱咤男金心情好 許廷鏗一支公笑住掃禮物

2021-01-06 21:00
紅到被「土耳其護旗手」Hack IG的Alfred,日前Alfred單拖到又一城「行大運」。
紅到被「土耳其護旗手」Hack IG的Alfred,日前Alfred單拖到又一城「行大運」。

ViuTV選秀真人騷《全民造星III》掀起全城熱話,不單止參賽者獲得關注,還帶挈導師與評判人氣急升,當中30強評判許廷鏗(Alfred)更獲網民封為「最佳評判」,甚至獲推舉做《造星IV》導師。之後Alfred挾住這股氣勢,首次榮膺「叱咤樂壇男歌手金獎」,更紅到被「土耳其護旗手」Hack IG。日前Alfred單拖到又一城「行大運」,短短3小時Hea遊3間鋪,其間巧遇港台DJ李志剛,還被市民「野生捕獲」。採訪:譚壹致

紅到被「土耳其護旗手」Hack IG的Alfred,日前Alfred單拖到又一城「行大運」。
紅到被「土耳其護旗手」Hack IG的Alfred,日前Alfred單拖到又一城「行大運」。
一向鍾意用文字抒發感情的Alfred買了幾張卡,估計想藉此寫「千字文」多謝朋友。
一向鍾意用文字抒發感情的Alfred買了幾張卡,估計想藉此寫「千字文」多謝朋友。

許廷鏗的IG前晚遭黑客入侵,換上「大波妹」頭像及貼上土耳其國旗照,EQ甚高的Alfred抵死Hashtag「點解要揀一張咁冇taste嘅相做profile」,引來一班網民爆笑兼幫拖,幸昨晨成功奪回帳戶,被Hack一事因禍得福,其IG仲一夜激增1000 Follower!唔只深得網民歡心,Alfred圈中人緣也甚廣。

笑笑口受訪
日前下午4時許,Alfred去咗又一城行街,他先去LOG-ON兜咗個圈冇嘢啱就去另一間鋪買卡,買完又再折返LOG-ON揀禮物。其間,Alfred睇中一部398元的香薰噴霧機,他彎腰攞起部機左望右望,又拉低口罩、逐支精油拎嚟聞,一支精油約150元,最終扑槌叫職員拎了一Set。睇睇吓嘢巧遇李志剛,對方仲無啦啦拎出一支咪,遞向Alfred進行即興採訪,他即時邊講邊笑到瞇晒眼,搞到路過的途人都紛紛回頭望一望。

買了一部香薰噴霧機,梗要配番支精油一Set送畀人,於是Alfred又除罩逐支聞。
買了一部香薰噴霧機,梗要配番支精油一Set送畀人,於是Alfred又除罩逐支聞。
Alfred買買吓禮物撞到港台DJ李志剛,還在無預警下被對方即場訪問,睇吓熱辣男金幾開心!
Alfred買買吓禮物撞到港台DJ李志剛,還在無預警下被對方即場訪問,睇吓熱辣男金幾開心!

係咁撞到人
傾了幾句後兩人就分開,Alfred繼續掃了一盒特價210元的Pictionary Air和一部369元的直立自動旋轉串燒機,盛惠約1,000大元。不過畀完錢後並冇即刻取貨,直接殺去樓下I.T買衫,途中仲被一對情侶「野生捕獲」,親民的Alfred當然來者不拒,秒速答允與女粉絲合照。當回去拎戰利品時,Alfred又在鋪頭門外撞到陸永,兩人於路中央停低吹了幾句,臨Say Goodbye前還互相捏一捏手臂。之後,「好多時間」的Alfred在商場內漫無目的地遊蕩至晚上7點,才抽住3大袋戰利品行到商場外搭車走。

最終Alfred揀了香薰套裝、Pictionary Air和自動旋轉串燒機便去排隊畀錢。
最終Alfred揀了香薰套裝、Pictionary Air和自動旋轉串燒機便去排隊畀錢。
戴住口罩的Alfred仍被途人認出,他更Nice爆跟女粉絲合照。
戴住口罩的Alfred仍被途人認出,他更Nice爆跟女粉絲合照。
回LOG-ON拎貨的Alfred又巧遇陸永,兩人停在路中心傾咗陣。
回LOG-ON拎貨的Alfred又巧遇陸永,兩人停在路中心傾咗陣。
行埋潮店買完衫,Alfred取回先前買下的一堆禮物便離開商場。
行埋潮店買完衫,Alfred取回先前買下的一堆禮物便離開商場。
拎住一袋二袋的Alfred急急上車,點知中途隻腳Kick一Kick,好在冇仆親。
拎住一袋二袋的Alfred急急上車,點知中途隻腳Kick一Kick,好在冇仆親。
3小時的商場之旅,只逛了3間鋪的Alfred大部分時間都漫無目的、撳住電話到處行。
3小時的商場之旅,只逛了3間鋪的Alfred大部分時間都漫無目的、撳住電話到處行。
Alfred的IG前晚遭黑客入侵,並被換上「大波妹」頭像兼貼岀土耳其國旗照。
Alfred的IG前晚遭黑客入侵,並被換上「大波妹」頭像兼貼岀土耳其國旗照。
幸最終成功奪回帳戶,Alfred「喊」住表示:「我唔要做大波鏗。」認真爆笑!
幸最終成功奪回帳戶,Alfred「喊」住表示:「我唔要做大波鏗。」認真爆笑!
出道11年的Alfred今年終獲頒「叱咤樂壇男歌手金獎」。
出道11年的Alfred今年終獲頒「叱咤樂壇男歌手金獎」。
圈中好友欣宜喺台下眼濕濕拍低老友奪獎一刻。
圈中好友欣宜喺台下眼濕濕拍低老友奪獎一刻。
Alfred在《造星III》用心而專業的評語,獲網民一致激讚兼封「最佳評判」。
Alfred在《造星III》用心而專業的評語,獲網民一致激讚兼封「最佳評判」。
關鍵字

最新回應

關鍵字

相關新聞

熱門文章