【維港會】東涌區內客欲飛的 「紅的」司機趕客搭「藍的」惹熱議

屯門赤鱲角隧道早前正式通車，令不少人都借此機會到東涌一遊，遊客數量大增。有市區的士司機於網上發文指，昨日於東涌區內輪候，結果大部分乘客都是前往大嶼山的士都可以前往的地方，該司機因此詢問一眾網民，若指示乘客乘搭大嶼山的士，會否構成「拒載」？

有市區的士司機於FB群組「的士司機資訊網 Taxi」發文，指昨日繁忙時間於東涌站等候乘客上車，「有客拉門，不過講啲例如逸東、滿東、迎東、昇薈、北大嶼山醫院等呢啲『藍的』去到嘅短途地方，於是我就指前面嗰『藍的』站叫佢搭『藍的』」，該司機指前面的大嶼山的士站一直有車在輪候，不過客人仍選擇乘搭市區的士。

該司機表示這種情況發生了幾次，「當中有客聽落係唔知呢啲應該搭『藍的』，但都有客覺得我想拒載。最後有個客，我問清楚佢係唔係真係要搭『紅的』，佢堅持要，我唯有開車。」，該司機於是便網上詢問，如果指示乘客去乘搭大嶼士的士，這行為會否構成「拒載」。

帖文一出便有不少網民留言討論，有網民指司機「揀客」，「你嘅做法係揀客」、「其實佢已經可以報警或者1823投訴你拒載」、「唔係禁區你就要去㗎啦，逸東邨入閘全部紅色客都係去東涌站。」，亦有網民笑稱難怪排在後面的司機等不得乘客。

亦有一些熟悉東涌的士司機留言表示，東涌大部分乘客都往來區內，不會乘搭的士到市區，「果個站99%是東涌本土」、「東涌係一個無謂留喺度搵嘢出返市區嘅地方，頭也不回直上公路啦」。

有司機解釋東涌居民不乘搭大嶼山的士的原因，「（東涌）成日無『藍的』，就算有佢地又唔做東涌機場地區，尤其假期更集體揀客，先搞到東涌當地人坐『紅的』，加上有班『紅的』行家怕出面塞車，唔介意車佢哋，咪搞到而家咁怪囉。」