【維港會】特殊店員被嫌「低低哋」暖心老闆耐心教導成「避風港」

不少特殊人士出到社會，都難免遭受異樣的眼光。有便利店老闆在「辦公室日報」Facebook專頁投稿，分享1名男店員阿朗的故事。阿朗已經在店鋪做了5年，雖然經常被客人和同事嫌棄「低低哋」，但老闆從來沒有歧視他，反而耐心教導他，令他變得得愈來愈熟習工作。冬至當日，不被家人接納的阿朗無家可歸，但他感恩有老闆收留，「我呢度係佢嘅大世界，係佢嘅避風港，起碼喺寒冬之下，佢喺舖頭裡面仲覺得溫暖」，令老闆感受到助人的快樂。

30歲的店員阿朗，有時會自言自語，突然自己笑起來，亦無法完整講出一句說話。就算面對男性顧客，他也只會講：「有咩幫到你呀小姐？」老闆後來發現阿朗是太緊張，嘗試教他之後，情況有改善。有客人和其他員工指阿朗「低低哋」，但老闆不認同，「叫佢做嘢由最初不知所措，到後來話頭醒尾，唔使叫都識得自動自覺去做，我感受到呢個男仔其實有下過苦功，只係應對方面比起其他人慢啫。」

由於阿朗已經做了5年，便利店無法有太大的人工升幅，老闆問他有否打算找其他工作。阿朗說自己之前做茶餐廳時，老闆和部分樓面都叫「低能仔」，又經常罵他，令他好難堪，但這間便利店就不同，收錢的工作自己可以應付到，可以自食其力，又不會被鬧，覺得好自在好舒服。

冬至當日，有同事想調更，阿朗完全不介意。老闆叫他不要調更，回家和家人做節，但阿朗說家人不太喜歡他，「加上細佬打算叫女朋友返屋企做冬，講到明唔想佢留喺屋企，驚阿朗會影衰晒」，一面說一面流露出諒解細佬決定嘅表情，令老闆感嘆阿朗太善良，「仲同我講，鋪頭暖好多，如果唔係萍姐（其中一個同事）調更，我喺街行仲凍，我鍾意呢度呀。」

老闆表示，以為自己的便利店無法為員工提供好前途，但原來對阿朗而言，這就是他的大世界，他的避風港，「起碼喺寒冬之下，佢喺鋪頭裡面仲覺得溫暖，我第一次覺得自己間便利店唔止純粹係搵錢，原來仲可以幫到人。」

不少網民都表示「眼濕濕」，「連最親嘅屋企人都唔鍾意佢，好彩依家個老闆對佢好」、「其實朗可能只是輕度自閉或發展遲緩，只要比機會佢地，做得比別人更用功同上心」、「愈嚟愈覺得，喺呢個社會，善良嘅人比叻人更難能可貴」。