【維港會】熱心老闆邀斷指張叔叔整黏土公仔 專車接送聖誕送暖

天氣逐漸轉涼，不少基層市民仍要「搵食」，左手沒有五指的張叔叔是其中一員。早前有熱心市民見他寒冷中仍在街頭擺檔，售賣自製的黏土公仔，專門為他開設了Facebook專頁，希望有心人多多支持張叔叔。專頁平安夜發帖，指張叔叔獲邀到一間公司去示範整黏土公仔，「該公司仲有心，仲可以有專車接送張叔叔，人間有愛！」

「張叔叔的黏土公仔」Facebook專頁定時交代張叔叔的擺檔動向，專頁平安夜發帖，「自開了專頁後，多咗好多有心人想搵張叔叔，今次張叔叔獲邀去一間好有愛心嘅公司去示範整黏土公仔」。從照片所見，張叔叔帶同工具及多種黏土，落力搓出各種形狀的黏土公仔，作品非常精緻，有兔仔、卡通公仔、聖誕老人等，員工們都很喜歡張叔叔的手藝，「同事更收到公司送贈嘅黏土公仔做聖誕禮物𠻹！」

不少網民都留言支持，「張叔叔聖誕快樂」、「整得真係好靚呀」、「呢間公司個老闆好有愛呀」。