【維港會】騙徒Whatsapp冒「單仲偕」呃錢 揭穿後變身「鄺葆賢」

早前曾有騙徒假冒南區區議會主席羅健熙、九龍城區議會主席蕭亮聲於Whatsapp行騙，被揭穿後騙徒仍不罷休，繼續假冒其他區議員來行騙，不過今次的主角就換成單仲偕、鄺葆賢同楊彧。

葵青區議員梁志成前日於FB上載多張圖片，指有自稱為「單仲偕」的人士聯絡他，令梁志成「聽日10點半到我寫字樓」，但翌日早上「單仲偕」表示「喺寫字樓行唔開」，要求梁志成幫忙將6萬元匯給內地的親戚，聲稱內地親戚急需這筆錢做手術，更指示梁志成將錢匯到一個由「黃菊」持有的銀行戶口。梁志成見狀即反問「點解唔係姓單」，該「單仲偕」辯稱是親戚的戶口。

梁志成於帖文中笑指騙徒的手法無知，「我好有耐性同佢磨咗半日，條友見勢色唔對即刻del咗張相，大家要小心唔好中伏啊」，單仲偕本人其後亦在FB澄清，貼出自己真實的電話號碼。

想不到騙徒被揭穿後仍沒有汲取「教訓」，繼續使用同一個電話號碼行騙，今次則換成假扮九龍城區議會副主席鄺葆賢及深水埗區議會主席楊彧。鄺葆賢於FB上載騙徒的Whatsapp記錄，並笑稱「扮咩啫，劈頭一句叫人聽朝到，咁無禮貌嘅。」呼籲市民小心騙案。

而楊彧亦笑指「今日先同同事話鄰區主席俾人盗用whatsapp張相，轉個頭改做我張相，好彩現階段「假主席」都係send訊息俾同區議員，相信大家都有才智分真假」。