【維港會】友人稱有首期寧移民潑冷水 新業主反駁：做乜幫人供10年樓

有一名近月置業的網民在「香港討論區」發文，有朋友誇口稱有首期寧願移民也不買樓，大潑冷水，這位新業主心有不忿於是反駁：「有首期做乜幫人供10年樓」，引發熱議。

發文者2個月前置業，被親戚指指點點後，昨日去朋友家聚餐。席間有人問我新屋裝修如何。有人聽聞就聲言，「下，你依家買樓。做乜唔遲下買」。發文者於是解釋舊居不夠地方住無辨法。

對方於是誇口「有首期都唔買香港樓，要移民」。發文者質疑，「聽佢講移民聽咗成十年。仲話要去美國或者澳洲。又唔係啲乜專業特別專才。又成四十幾歲。」於是忍不住反駁對方空談「有首期做乜唔買樓自己供返。幫人供成10年樓。個個月兩三萬」，發文者形容「買咗樓真係唔好同人講，香港人真係好多憎人富貴厭人窮。」

有網民留言指，「留意到身邊呢類人，佢哋特別多理論同理想，可惜始終無法實踐，只有繼續無奈」、「移咗民就真係叫移民，得個講字個啲叫無能」。有人就認為無需介懷，「慳番啖氣，生活係自己 自己過得好就得」。

不過也有人質疑租樓並無不妥，「幫人供樓唔係問題，最慘係冇被動收入，如果有600萬放銀行，篤隻有4厘既藍籌股，一年收24萬息，攞呢24萬去租樓，咁有咩問題？」更有人表示不解，為何一場聚餐要互相比較，「其實大家食飯為咗互寸同曬命呢啲叫朋友？定係想見到人地失敗顯得自己成功」。