【結婚周年】蕭唯展貼雪地黑面照贈慶江伊晴：一世對住你就開心

2020-12-23 20:04

今日係蕭唯展(前名蕭潤邦)和江伊晴(Elaine江若琳)結婚兩周年，蕭唯展在社交網分享當年在日本冰天雪地拍婚紗照的幕後花絮照片，見穿上露肩低胸婚紗的江伊晴坐在雪地上整頭，蕭唯展就黑口黑面、拿住大褸在旁邊站着，難怪蕭唯展爆粗指天氣凍到連自己都冇心機影相，但老婆食過夜粥不覺凍，認真夠薑。

他留言：「老婆，婚姻兩周年快樂，還記得影結婚相當天凍到仆街，X都縮（所以用件褸遮住），我仲黑晒面。而你著到咁，一點也不覺冷，食過夜粥，好夠薑，就好似嫁比(畀)我咁夠薑，i love u.」又在限時動態分享手拖手走路的照片，留言：「有排行落去。」江伊晴也有轉發並留言：「諗起呢一世都要對住你………就覺得好開心呀。」認真恩愛。