「安心」事件變倉底3年終出街張振朗唔怕《堅離地》題材過時

2020-12-23 15:29

無綫劇集《堅離地愛堅離地》將於本月28日首播，受「安心」事件影響，飾演張振朗妹妹、擔任女三的黃心穎連累劇集被臨時抽起，《堅》亦是她最後一部參演劇集。一眾主要演員今日出席記者會作宣傳。男主角張振朗表示《堅》是他首部擔正的劇集，事隔3年終於播出，相當感觸：「仲記得我同（女主角）龔嘉欣都非常用心，去到拍攝尾段，連續幾日通宵嘅時候，拍外景時一有空檔，我同佢就瞓喺街。」談到可擔心題材過時，飾演IT宅男的他笑說：「咁又唔會喎！任何時候都有宅男嘛。」問到可有聯絡黃心穎？他說：「無呀！我諗佢會睇到宣傳片。」

龔嘉欣亦是在《堅》首次擔正，另一套主演劇集《香港愛情故事》剛播畢，劇接劇可覺得增加奪「視后」機會？她笑笑說：「好開心可以保持人氣，劇入面飾演富二代，同《殺手》、《香港愛情故事》嘅角色好唔同。」另外，離巢兩年多的陳智燊（Jason）現身宣傳，他表示駕車入電視城時心情有點複雜。劇中他跟劉佩玥飾演一對，笑指被她外表完全欺騙：「你睇佢外表幾玉女，幾周慧敏，點知佢好嘈好多嘢講！」劉佩玥笑說：「咩呀！呢3年我變咗好多，靜咗㗎喇！初時我以為Jason好官仔骨骨，原來佢都好搞笑。」

監製吳冠宇表示，香港版跟去年在大馬播出的版本一樣，沒有刪剪黃心穎的戲份。有否跟她聯絡或邀請出席宣傳？他相信公司會有其他同事跟她聯絡。是否因擔心影響收視，因此台上的佈景板，甚至新聞稿都未見心穎身影？吳冠宇表示：「唔知公司點諗，但我就想低調處理，唔想特別Highlight心穎。」他透露劇中心穎跟丁子朗及謝東閔有三角關係，戲份不多。